करोना लशीवर लोकांची शंका; 'या' देशाने १७ हजार डोस जाळल्या !

लिलोंग्वा: करोना महासाथीला नियंत्रणात आणण्यासाठी अनेक देशांमध्ये लसीकरण मोहीम सुरू आहे. लशीकरणाबाबतही नागरिकांच्या मनात शंका निर्माण होत आहेत. नागरिकांच्या शंकांचे निरसन करण्यासाठी प्रशासनाकडून पावले उचलली जातात. आफ्रिकन देश मलावीमध्ये करोना लशीचे १७ हजार डोस जाळल्याचे समोर आले आहे. या लशी एस्ट्राजेनका कंपनीच्या होत्या. या लशींची मुदत संपली होती. नागरिकांच्या मनातील शंका दूर करण्यासाठी या लशी जाळण्यात आल्या.

मुदत संपलेल्या लशी जाळणारा मलावी हा पहिला आफ्रिकन देश असल्याचे 'बीबीसी'ने म्हटले आहे. एप्रिल महिन्यात मुदत संपलेल्या लशीचे डोस नष्ट करण्यात आले. मलावीच्या अधिकाऱ्यांनी सांगितले की, लोकांमध्ये लशींबाबत काही शंका होत्या. त्यातच मुदत संपलेल्या लशीचे डोस देण्यात येत असल्याचा गैरसमज लोकांमध्ये पसरला होता. लोकांमधील हा गैरसमज दूर करण्यासाठी लशीचे १७ हजार डोस जाळल्याचे अधिकाऱ्यांनी सांगितले.

वाचा: प्रिन्स हॅरी आणि मेगन यांची मोठी घोषणा; मुंबईत उभारणार कोविड मदत केंद्र



मलावी देशाला कोवॅक्सिन शेअरिंग फॅसिलिटी अंतर्गत तीन लाख डोस, भारताकडून ५० हजार आणि आफ्रिकन संघाकडून १.०२ लाख डोस देण्यात आले होते. अनेक ठिकाणी लसीकरण केंद्रावर लोक लस घेण्यासाठी आलेच नाहीत. त्यामुळे लशीचे हजारो डोस वाया गेल्याचे म्हटले जाते.

वाचा: भारतात नव्या करोनाबाधितांच्या संख्येत घट, पण...

एस्ट्राजेनका लशीच्या विरोधात प्रचार मोहीम राबवली गेली. त्यामुळेच लशीच्या दोन आठवड्यांच्या शेल्फ लाइफमध्ये याचा वापर झाला नसल्याचा आरोप आरोग्य मंत्र्यांनी केला. मुदत संपलेल्या लशीचा वापर लसीकरण कार्यक्रमात होत नसल्याचेही त्यांनी म्हटले. मलावीमध्ये या वर्षाखेरपर्यंत देशातील कमीत कमी ६० टक्के लोकसंख्येचे लसीकरण करण्याचे लक्ष्य होते. मार्च महिन्यात लसीकरण सुरू करण्यात आले. आतापर्यंत तीन लाख नागरिकांना लस देण्यात आली आहे.

वाचा: जगाला लस पुरविण्यास सुरुवात करावी; WHO कडून 'सीरम'ला कराराचे स्मरण

दरम्यान, एस्ट्राजेनकाच्या लशीमुळे रक्ताच्या गुठळ्या तयार होत असल्याच्या कारणास्तव काही महिन्यापूर्वी डेन्मार्कने लस वापरावर बंदी घातली. त्यानंतर नॉर्वे आणि आता ऑस्ट्रियानेदेखील लस वापरावर बंदी घातली.