करोनावर युएईने प्रभावी औषध शोधले?; चार दिवसात गंभीर रुग्ण ठणठणीत बरे!

अबूधाबी: करोना महासाथीच्या आजारापासून वाचण्यासाठी करोना लसीकरण हा एक उपाय असला तरी बाधित रुग्णांवर उपचार करण्यासाठी अद्यापही ठोस औषध सापडले नाही. मात्र, संयुक्त अरब अमिरातीमध्ये करोनावरील औषध शोधले असल्याचा दावा करण्यात येत आहे. संयुक्त अरब अमिरातीमध्ये करोनाबाधितांवर यशस्वी उपचार होत असल्याचे समोर आले आहे. अॅण्टी व्हायरल औषध Sotrovimab च्या वापराने लोकांकडून विषाणूला मात देण्यात येत आहे. या नव्या औषधामुळे गंभीर रुग्ण बरे होत असल्याचे म्हटले जात आहे.

चार दिवसांत आयसीयूतून बाहेर

संयुक्त अरब अमिरातीमधील ३६ वर्षांचा सईद अल अमेरी याने खलीज टाइम्ससोबत बोलताना म्हटले की, घरी विलगीकरणात असताना तीव्र ताप, डोके दुखी, अंगदुखी आदी लक्षणे आढळली. त्यानंतर मला शेख खलीफा मेडिकल सिटीमधील रुग्णालयात आयसीयूमध्ये दाखल करण्यात आले. तेथील उपचारादरम्यान Sotrovimab औषध देण्यात आले. अबूधाबीतील आरोग्य विषयक कंपनी 'सेहा'ने सांगितले की, सईद यांना चार दिवसांतच डिस्चार्ज देण्यात आला. मात्र, त्यानंतर त्यांची पत्नी आणि आईमध्ये करोनाची गंभीर लक्षणे दिसल्याने त्यांच्यावर उपचाराची आवश्यकता भासली. त्यांनादेखील Sotrovimab हे औषध देण्यात आले. दोघांना चार दिवसांत रुग्णालयातून घरी पाठवण्यात आले.

करोना लशीचा बुस्टर डोस हवा की नको? तज्ज्ञांमध्ये मतमतांतरे

करोना उपचारासाठी मंजुरी

अल अमेरी यांनी महासाथीच्या आजाराशी दोन हात करण्यासाठी प्रभावी यंत्रणा उभारल्याबद्दल युएईच्या नेत्यांचे आभार मानले आहे. आणखी एक करोनाबाधित अल्लावी सालेह अली मन्सूरी यांनी सांगितले की, Sotrovimab औषधाचा चांगला परिणाम झाला. त्यामुळे काही दिवसांमध्येच मी आजारातून बरा झालो. अमेरिकेच्या अन्न आणि औषध प्रशासन व युएईच्या आरोग्य खात्याने Sotrovimab या औषधाला आपात्कालीन वापरासाठी मंजुरी दिली आहे.

चीन: डेल्टा वेरिएंटचा कहर; 'या' शहरात निर्बंध, महामार्गही वाहतुकीसाठी बंद


ट्रम्प चीनविरोधात युद्ध पुकारणार होते?; लष्कर प्रमुखांनी साधला होता चीनशी संपर्क!

मृतांच्या संख्येत ८५ टक्के घट होण्याची शक्यता

या औषधांमुळे रुग्णालयात दाखल होणाऱ्या रुग्णांची संख्या कमी होण्यास मदत होईल असे म्हटले जात आहे. त्यामुळे करोनामुळे होणाऱ्या मृत्यूंच्या संख्येत ८५ टक्के घट होऊ शकते.