पत्नीचे दुसऱ्या पुरुषाशी संबंध असल्याचे पतीला पडले स्वप्न, उठताच केलं भयंकर कृत्य

प्लानाल्टिना : सध्या अनैतिक संबंधातून अनेक भयंकर प्रकार समोर येत असताना आता असाच एक प्रकार समोर आला आहे. एका व्यक्तीला रात्री स्वप्न पडले की त्याच्या पत्नीचे एका बिगर पुरुषाशी प्रेमसंबंध आहे. याचाच राग आल्याने त्याने पत्नीवर चाकूने हल्ला केला. या व्यक्तीने आपल्या पत्नीच्या मानेवर आणि हातावर अनेक वार करून रक्तबंबाळ केले आणि नंतर घटनास्थळावरून पळ काढला.

पत्नीला जखमी अवस्थेत रुग्णालयात नेण्यात आले, तेथे उपचारानंतर तिचा जीव वाचला. त्याचवेळी ९ ऑगस्ट रोजी घडलेल्या या घटनेनंतर फरार असलेल्या आरोपी पतीला आता अटक करण्यात आली आहे. तब्बल पाच आठवड्यांनंतर त्याला पकडण्यात पोलिसांना यश आले आहे. द मिररच्या वृत्तानुसार, हे प्रकरण ब्राझीलमधील प्लानाल्टिना येथील आहे. इथे एका ३७ वर्षीय व्यक्तीने स्वप्न खरे मानून पत्नीवर हल्ला केल्याचा आरोप आहे. या हल्ल्यात पत्नी गंभीर जखमी झाला आहे. त्यांच्या मानेला व हाताला गंभीर दुखापत झाली आहे.

लग्नाचं स्वप्न दाखवून १० वर्षे महिलेवर केले अत्याचार, अखेर नराधमाने काय केलं पाहा...
स्वप्न पाहिल्यानंतर केला पत्नीवर हल्ला...

रिपोर्टनुसार, घटनेच्या दिवशी मध्यरात्री दोघांमध्ये भांडण झाले होते. कारण, पत्नीचे दुसऱ्या पुरुषासोबत अफेअर असल्याचे पतीला स्वप्न पडले. याची खात्री करण्यासाठी तो झोपेतून उठला आणि पत्नीशी वाद घालू लागला. बराच वेळ वाद सुरू होता मात्र काही वेळाने तो पुन्हा झोपला.

यानंतर पती जेव्हा पुन्हा उठला तेव्हा त्याच्या हातात चाकू होता. त्याने पत्नीवर एकामागून एक हल्ला केला. त्यामुळे पत्नीला रक्तस्त्राव झाला. पत्नीची हत्या केल्यानंतर तो घरातून पळून गेला. आरडाओरडा ऐकून कुटुंबीयांनी त्यांना रुग्णालयात नेले. सध्या या प्रकरणात पोलिसांचे म्हणणे आहे की, आरोपीने आपला गुन्हा कबूल केला आहे. त्याचा रेकॉर्डही गुन्हेगारी आहे. त्याच्यावर पत्नीच्या हत्येचा प्रयत्न केल्याचा आरोप असून पुढील तपास सुरूच आहे.