लंडन: करोना विषाणूवर संशोधन सुरू असलेल्या ऑक्सफर्ड विद्यापीठाच्या प्रयोगशाळेवर सायबर हल्ला झाला असल्याचे समोर आले आहे. ऑक्सफर्ड विद्यापीठाने या वृत्ताला दुजोरा दिला आहे. हॅकर्सने प्रयोगशाळेच्या यंत्रणेत अनेक ठिकाणी शिरकाव केला असल्याचे फोर्ब्सने म्हटले. काही दिवसांपूर्वीच हॅकिंग झाले असल्याची चर्चा असून यामागे कोण होते, हे स्पष्ट झाले नाही.
स्ट्रक्चरल बायोलॉजी विभागात हॅकिंग झाल्याचे समजते. या विभागाला 'स्ट्रबी' नावाने ही ओळखले जाते. ही प्रयोगशाळा ऑक्सफर्ड विद्यापीठ-एस्ट्राजेनेकाच्या लस संशोधनात प्रत्यक्षरीत्या सहभागी नाही. प्रयोगशाळेत करोनाच्या कोशिकांच्या कार्यप्रणालीबाबत आणि त्याचा परिणाम मानवी आरोग्यावर होऊ नये यासाठी शास्त्रज्ञांकडून संशोधन सुरू होते.
फोर्ब्सने दिलेल्या वृत्तानुसार, जैव रासायनिक नमुने तयार करण्यात येणाऱ्या प्रणालींवर या सायबर हल्ल्याचा परिणाम झाला आहे. सायबर हल्ल्याशी निगडीत काही गोष्टी समोर आल्या असून पुढील तपास सुरू असल्याची माहिती ऑक्सफर्ड विद्यापीठाच्या एका अधिकाऱ्याने दिली. या सायबर हल्ल्याच्या चौकशीसाठी विद्यापीठाचे अधिकारीही मदत करत असल्याचे त्यांनी सांगितले.
नॅशनल सायबर सिक्युरीटी सेंटर करणार चौकशी
ब्रिटीश गुप्तचर संघटनेची (जीसीएचक्यू) एक शाखा नॅशनल सायबर सिक्युरिटी सेंटर (एनसीएससी) या सायबर हल्ल्याची चौकशी करणार आहे. एका प्रवक्त्याने दिलेल्या माहितीनुसार, विद्यापीठाने ब्रिटनच्या माहिती आयुक्त कार्यालयाला या घटनेची माहिती दिली आहे.
अमेरिका, ब्रिटन आणि कॅनडाच्या सुरक्षा दलाने मागील वर्षीच रशियन हॅकर्सचा एक गट करोना लस विकसित करण्यासाठी प्रयत्नशील असणाऱ्या संस्थांना लक्ष्य करत असल्याचा इशारा दिला होता.
स्ट्रक्चरल बायोलॉजी विभागात हॅकिंग झाल्याचे समजते. या विभागाला 'स्ट्रबी' नावाने ही ओळखले जाते. ही प्रयोगशाळा ऑक्सफर्ड विद्यापीठ-एस्ट्राजेनेकाच्या लस संशोधनात प्रत्यक्षरीत्या सहभागी नाही. प्रयोगशाळेत करोनाच्या कोशिकांच्या कार्यप्रणालीबाबत आणि त्याचा परिणाम मानवी आरोग्यावर होऊ नये यासाठी शास्त्रज्ञांकडून संशोधन सुरू होते.
फोर्ब्सने दिलेल्या वृत्तानुसार, जैव रासायनिक नमुने तयार करण्यात येणाऱ्या प्रणालींवर या सायबर हल्ल्याचा परिणाम झाला आहे. सायबर हल्ल्याशी निगडीत काही गोष्टी समोर आल्या असून पुढील तपास सुरू असल्याची माहिती ऑक्सफर्ड विद्यापीठाच्या एका अधिकाऱ्याने दिली. या सायबर हल्ल्याच्या चौकशीसाठी विद्यापीठाचे अधिकारीही मदत करत असल्याचे त्यांनी सांगितले.
नॅशनल सायबर सिक्युरीटी सेंटर करणार चौकशी
ब्रिटीश गुप्तचर संघटनेची (जीसीएचक्यू) एक शाखा नॅशनल सायबर सिक्युरिटी सेंटर (एनसीएससी) या सायबर हल्ल्याची चौकशी करणार आहे. एका प्रवक्त्याने दिलेल्या माहितीनुसार, विद्यापीठाने ब्रिटनच्या माहिती आयुक्त कार्यालयाला या घटनेची माहिती दिली आहे.
अमेरिका, ब्रिटन आणि कॅनडाच्या सुरक्षा दलाने मागील वर्षीच रशियन हॅकर्सचा एक गट करोना लस विकसित करण्यासाठी प्रयत्नशील असणाऱ्या संस्थांना लक्ष्य करत असल्याचा इशारा दिला होता.