मटा ऑनलाइन वृत्त । इस्लामाबाद
भारताने नोटाबंदी केल्यानंतर पाकिस्ताननेही हाच कित्ता गिरवला आहे. पाकिस्तानच्या संसदेने सोमवारी ५ हजाराची नोट बंद करण्याच्या प्रस्तावाला मंजुरी दिली. काळ्या पैशाला लगाम घालण्यासाठी टप्प्या टप्प्याने ५ हजार रुपयाची नोट बंद करण्याचा निर्णय पाकिस्तानने घेतला आहे. भारताच्या नोटाबंदीच्या निर्णयानंतर पाकिस्तानने दीड महिन्याच्या कालावधीनंतर हे पाऊल उचलले आहे.
५ हजार रुपयाच्या नोटा परत घेण्याने बँक खात्यांच्या वापराला चालना मिळेल. याचबरोबर काळ्या पैशाची समांतर अर्थव्यवस्थाही संपवता येईल. ही नोट बंदी ३ ते ५ वर्षात टप्प्या टप्प्याने लागू केली जाईल, असं वृत्त पाकिस्तानमधील 'डॉन' या वृत्तपत्राने दिलं आहे.
नोट बंदीच्या या निर्णयावर पाकिस्तानचे कायदामंत्री जाहिद हामिद यांनीच विरोधी सूर लावला आहे. ५ हजाराच्या नोट बंदीमुळे नागरिक पर्याय म्हणून परकीय चलन जमा करतील. सध्या ३.४ ट्रिलियन नोटा चलनात आहेत. यापैकी १.०२ ट्रिलियन नोटा या फक्त ५ हजार रुपयाच्याच आहेत, असं हामिद यांनी सांगितलं.
भारताने घेतलेल्या नोटाबंदीच्या निर्णयापासून प्रेरीत होऊन पाकिस्तानने नोट बंदीचा निर्णय घेतल्याचं बोललं जातंय.
भारताने नोटाबंदी केल्यानंतर पाकिस्ताननेही हाच कित्ता गिरवला आहे. पाकिस्तानच्या संसदेने सोमवारी ५ हजाराची नोट बंद करण्याच्या प्रस्तावाला मंजुरी दिली. काळ्या पैशाला लगाम घालण्यासाठी टप्प्या टप्प्याने ५ हजार रुपयाची नोट बंद करण्याचा निर्णय पाकिस्तानने घेतला आहे. भारताच्या नोटाबंदीच्या निर्णयानंतर पाकिस्तानने दीड महिन्याच्या कालावधीनंतर हे पाऊल उचलले आहे.
५ हजार रुपयाच्या नोटा परत घेण्याने बँक खात्यांच्या वापराला चालना मिळेल. याचबरोबर काळ्या पैशाची समांतर अर्थव्यवस्थाही संपवता येईल. ही नोट बंदी ३ ते ५ वर्षात टप्प्या टप्प्याने लागू केली जाईल, असं वृत्त पाकिस्तानमधील 'डॉन' या वृत्तपत्राने दिलं आहे.
नोट बंदीच्या या निर्णयावर पाकिस्तानचे कायदामंत्री जाहिद हामिद यांनीच विरोधी सूर लावला आहे. ५ हजाराच्या नोट बंदीमुळे नागरिक पर्याय म्हणून परकीय चलन जमा करतील. सध्या ३.४ ट्रिलियन नोटा चलनात आहेत. यापैकी १.०२ ट्रिलियन नोटा या फक्त ५ हजार रुपयाच्याच आहेत, असं हामिद यांनी सांगितलं.
भारताने घेतलेल्या नोटाबंदीच्या निर्णयापासून प्रेरीत होऊन पाकिस्तानने नोट बंदीचा निर्णय घेतल्याचं बोललं जातंय.