मटा ऑनलाइन वृत्त । ढाका
बांगलादेशची राजधानी ढाका येथील स्पॅनिश हॉटेलवर झालेल्या दहशतवादी हल्ल्यातील एक हल्लेखोर निब्रस इस्लाम हा उच्चशिक्षित आणि सधन घरातील होता. त्याला सिनेमांचीही आवड होती. विशेष म्हणजे बॉलिवूडमधील सध्याची आघाडीची अभिनेत्री श्रद्धा कपूर त्याची आवडती अभिनेत्री होती आणि तिच्याशी हस्तांदोलन करतानाचा एक व्हिडिओही त्याने आपल्या फेसबुक वॉलवर पोस्ट केल्याचे आढळले आहे.
इंग्रजी न्यूज वेबसाइट 'इंडिया टु़डे'ने निब्रसच्या फेसबुक प्रोफाइलच्या आधारावर याबाबत वृत्त दिले आहे. निब्रस हा अत्यंत आनंदी तरुण होता. फेसबुक वॉलवर अपलोड केलेले व्हिडिओ, फोटो पाहता सामान्य तरुणांप्रमाणेच तो लाइफ एन्जॉय करत होता, असे दिसते. त्याने ८ जून २०१५ रोजी एक व्हिडिओ आपल्या फेसबुक वॉलवर पोस्ट केला असून त्यामध्ये चाहत्यांच्या गर्दीत असलेला निब्रस श्रद्धा कपूरशी हात मिळवताना दिसत आहे. या व्हिडिओसोबत 'श्रद्धा कपूर फार सुंदर आहे...तिने माझ्याशी हात मिळवला तो क्षण' अशी कॅप्शन त्यावर लिहिण्यात आली आहे. तसेच 'फिलिंग परफेक्ट' असा इमोन्जी देखील त्याने वापरला असल्याचे, या वृत्तात म्हटले आहे.
आणखी एका व्हिडिओत निब्रस कारमध्ये आपल्या मित्रांसोबत अस्खलित इंग्रजीत गप्पा मारताना दिसतो. त्याच्या फेसबुक वॉलवर दिलेल्या माहितीनुसार, त्याने मलेशियाच्या मोनाश आणि ढाका येथील नॉर्थसाऊथ विद्यापीठात शिक्षण घेतले होते.
ट्विटवर मात्र निब्रस फारसा सक्रिय नव्हता. डिसेंबर २०१४ मध्ये त्याने शेवटचं ट्विट केलं आहे. 'अलहमदुलिल्लाह, ज्यांना आपण मिस करतो अशा आपल्या लोकांसोबत आणि आपल्या जवळच्या मित्रांसोबत राहण्यातच खरा आनंद आहे', असे या ट्विटमध्ये त्याने नमूद केलं होतं.
दरम्यान, निब्रस हा शांत स्वभावाचा होता. तो फारसा धार्मिक नव्हता, असे त्याच्या मित्रांनी माध्यमांना सांगितले.
बांगलादेशची राजधानी ढाका येथील स्पॅनिश हॉटेलवर झालेल्या दहशतवादी हल्ल्यातील एक हल्लेखोर निब्रस इस्लाम हा उच्चशिक्षित आणि सधन घरातील होता. त्याला सिनेमांचीही आवड होती. विशेष म्हणजे बॉलिवूडमधील सध्याची आघाडीची अभिनेत्री श्रद्धा कपूर त्याची आवडती अभिनेत्री होती आणि तिच्याशी हस्तांदोलन करतानाचा एक व्हिडिओही त्याने आपल्या फेसबुक वॉलवर पोस्ट केल्याचे आढळले आहे.
इंग्रजी न्यूज वेबसाइट 'इंडिया टु़डे'ने निब्रसच्या फेसबुक प्रोफाइलच्या आधारावर याबाबत वृत्त दिले आहे. निब्रस हा अत्यंत आनंदी तरुण होता. फेसबुक वॉलवर अपलोड केलेले व्हिडिओ, फोटो पाहता सामान्य तरुणांप्रमाणेच तो लाइफ एन्जॉय करत होता, असे दिसते. त्याने ८ जून २०१५ रोजी एक व्हिडिओ आपल्या फेसबुक वॉलवर पोस्ट केला असून त्यामध्ये चाहत्यांच्या गर्दीत असलेला निब्रस श्रद्धा कपूरशी हात मिळवताना दिसत आहे. या व्हिडिओसोबत 'श्रद्धा कपूर फार सुंदर आहे...तिने माझ्याशी हात मिळवला तो क्षण' अशी कॅप्शन त्यावर लिहिण्यात आली आहे. तसेच 'फिलिंग परफेक्ट' असा इमोन्जी देखील त्याने वापरला असल्याचे, या वृत्तात म्हटले आहे.
आणखी एका व्हिडिओत निब्रस कारमध्ये आपल्या मित्रांसोबत अस्खलित इंग्रजीत गप्पा मारताना दिसतो. त्याच्या फेसबुक वॉलवर दिलेल्या माहितीनुसार, त्याने मलेशियाच्या मोनाश आणि ढाका येथील नॉर्थसाऊथ विद्यापीठात शिक्षण घेतले होते.
ट्विटवर मात्र निब्रस फारसा सक्रिय नव्हता. डिसेंबर २०१४ मध्ये त्याने शेवटचं ट्विट केलं आहे. 'अलहमदुलिल्लाह, ज्यांना आपण मिस करतो अशा आपल्या लोकांसोबत आणि आपल्या जवळच्या मित्रांसोबत राहण्यातच खरा आनंद आहे', असे या ट्विटमध्ये त्याने नमूद केलं होतं.
दरम्यान, निब्रस हा शांत स्वभावाचा होता. तो फारसा धार्मिक नव्हता, असे त्याच्या मित्रांनी माध्यमांना सांगितले.