अमेरिकेला लादेनची माहिती देणाऱ्या डॉक्टरचे तुरुंगात उपोषण

इस्लामाबाद: आंतरराष्ट्रीय दहशतवादी ओसामा बिन लादेनची माहिती अमेरिकी गुप्तचर संस्था सीआयएला देणाऱ्या डॉक्टरने तुरुंगातच उपोषण सुरू केले आहे. लादेन पाकिस्तानच लपला असल्याची माहिती मिळाल्यानंतर अमेरिकेने त्याचा खात्मा केला होता.

शकील आफ्रिदी असे या उपोषणकर्त्या डॉक्टरचे नाव आहे. सोमवारपासून त्याने उपोषण सुरू केले असल्याची माहिती आफ्रिदींच्या वकिलाने आणि त्याच्या भावाने दिली. आपल्या कुटुंबीयांना सरकार व पोलिसांकडून त्रास दिला जात असून त्यांचा छळ होत असल्याचे डॉ. आफ्रिदी यांनी म्हटले आहे. आफ्रिदीच्या कुटुंबावर सुरू असून त्याच्या निषेधार्थ हे उपोषण सुरू असल्याची माहिती वकिलाने दिली.

बनावट लसीकरण मोहीम राबवल्याप्रकरणी डॉ. आफ्रिदी यांच्याविरोधात खटला चालवण्यात आला. त्यानंतर २०१२ मध्ये ३३ वर्षांच्या कारावासाची शिक्षा ठोठावण्यात आली होती. या बनावट लसीकरण मोहिमेत मिळालेल्या माहितीनुसार, अमेरिकी सुरक्षा यंत्रणांनी २०११ मध्ये ओसामा बिन लादेनचा खात्मा केला होता.
लादेन हा पाकिस्तानतच असल्याचा दावा करण्यात येत होता. मात्र, पाकिस्तानने त्याचा कायम इन्कार केला. अखेर अमेरिकेने केलेल्या कारवाईमुळे पाकिस्तानचा दुटप्पीपणा जगासमोर उघड झाला होता.

वाचा: तालिबान, ज्याला महासत्ता अमेरिकाही कंटाळला

जवळपास वर्षभर डॉ. आफ्रिदी यांना वकिलालाही भेटण्याची मंजूरी देण्यात आली नव्हती. त्याशिवाय शिक्षेविरोधात त्यांनी केलेल्या अपील याचिकेवरही उशीर करण्यात येत होता. आफ्रिदी कुटुंबीयांनी देखील पोलीस आणि प्रशासकीय यंत्रणांकडून त्रास देण्यात येत असल्याचा आरोप केला.

अमेरिकेचे राष्ट्राध्यक्ष डोनाल्ड ट्रम्प यांनी त्यांच्या निवडणूक प्रचारादरम्यान आफ्रिदी यांची सुटका करण्यात येईल असे म्हटले होते. मात्र, आतापर्यंत ट्रम्प यांनी काहीही कार्यवाही केली नाही.

आणखी वाचा:
पाकिस्तानला चीनची मदत; पाठवणार 'ही' फौज
काश्मीर मुद्दा: भारताने पाकिस्तानला सुनावले