उत्तर कोरियाचे बॅलेस्टिक क्षेपणास्त्र समुद्रात पडल्याचा जपानचा दावा
वृत्तसंस्था, सोल
अण्वस्त्रधारी उत्तर कोरियाने आपल्या राजधानीतून जपानच्या दिशेने बॅलेस्टिक क्षेपणास्त्र सोडल्याचा दावा दक्षिण कोरियाच्या लष्कराने आणि जपान सरकारने केला आहे. उत्तर कोरियाकडून वारंवार होत असलेल्या क्षेपणास्त्र चाचणीने अमेरिकेबरोबरील संबंधांत तणाव निर्माण झाला आहे. दरम्यान, या प्रक्षेपणाचा आपल्यासह अमेरिकेकडून अभ्यास करण्यात येत असल्याचे दक्षिण कोरियाने म्हटले आहे, तर हे क्षेपणास्त्र प्रशांत महासागरात कोसळल्याचा दावा जपानने केला आहे.
उत्तर कोरियाने जपानवरून बॅलेस्टिक क्षेपणास्त्र सोडण्यावरून दक्षिण कोरिया, जपान आणि अमेरिका या तिन्ही देशांशी उत्तर कोरियाचे संबंध आणखी तणावाचे बनले आहेत. ‘उत्तर कोरियाच्या या कृतीमुळे जपानच्या सुरक्षेला धोका निर्माण झाला आहे. याबाबत संयुक्त राष्ट्र सुरक्षा दलाची तत्काळ बैठक बोलावण्यात यावी; तसेच जपानी नागरिकांच्या सुरक्षेसाठी कडक पावले उचलण्यात येतील,’ जपानचे पंतप्रधान शिंजो अॅबे यांनी म्हटले आहे, तर ‘आमच्यापुढे सर्व पर्याय खुले आहेत,’ असा इशारा अमेरिकेचे अध्यक्ष डोनाल्ड ट्रम्प यांनी दिला आहे.
उत्तर कोरियाने काही दिवसांपूर्वीच कमी पल्ल्याच्या तीन बॅलेस्टिक क्षेपणास्त्रांची चाचणी केली होती. महिन्याभरापूर्वी दोन इंटरकॉन्टिनेन्टल बॅलेस्टिक क्षेपणास्त्राची चाचणीही केली होती. ही चाचणी अमेरिकेच्या भूभागाला क्षेपणास्त्राच्या टप्प्यात आणण्याचा प्रयत्न असल्याचे म्हटले जात होते. त्या शिवाय उत्तर कोरियाने अमेरिकेच्या गुआमच्या दिशेने अनियंत्रितपणे क्षेपणास्त्र सोडण्याची धमकीही दिली होती; परंतु अमेरिकेचे अध्यक्ष डोनाल्ड ट्रम्प यांनी उत्तर कोरियाच्या धमकीला ‘अमेरिकाही शस्त्रास्त्रसज्ज आहे,’ असे सडेतोड उत्तर दिले होते. उत्तर कोरियाच्या या कृतीमुळे संयुक्त राष्ट्र सुरक्षा परिषदेने उत्तर कोरियातून निर्यातीवर आणि देशातील गुंतवणुकीवर निर्बंध घातले होते.
‘कडक पावले उचलू’
‘उत्तर कोरियाकडून जपानच्या दिशेने सोडण्यात आलेल्या क्षेपणास्त्रामुळे जपानच्या सुरक्षेला धोका निर्माण झाला आहे. आम्ही या क्षेपणास्त्राची सर्व माहिती घेत असून, त्याचा अभ्यास करीत आहोत, याबाबत संयुक्त राष्ट्र सुरक्षा दलाची तत्काळ बैठक बोलावण्यात यावी; तसेच जपानी नागरिकांच्या सुरक्षेसाठी सर्वतोपरी पावले उचलण्यात येतील,’ जपानचे पंतप्रधान शिंजो अॅबे यांनी म्हटले आहे.
सर्व पर्याय खुले : ट्रम्प
जपानवरून क्षेपणास्त्र सोडण्याच्या उत्तर कोरियाच्या कृतीवर अमेरिकेने तीव्र प्रतिक्रिया दिली आहे. ‘उत्तर कोरियाविरुद्ध सर्व पर्याय खुले आहेत. उत्तर कोरियाकडून शेजारी राष्ट्र व संयुक्त राष्ट्राच्या सर्व सदस्य राष्ट्रांचा अवमान करण्यात येत आहे. हे आंतरराष्ट्रीय पातळीवर कदापि खपवून घेतले जाणार नाही. उत्तर कोरिया धमकावत आहे आणि अस्थिरता आणता आहे, या कृतीमुळे तो देशच एकाकी पडेल,’ असा इशारा अमेरिकेचे अध्यक्ष डोनाल्ड ट्रम्प यांनी दिला आहे.
किम जोंग तिसऱ्यांदा पिता
उत्तर कोरियाचे हुकूमशहा किम जोंग ऊन तिसऱ्यांदा पिता बनले असल्याची माहिती एका अहवालात देण्यात आली आहे. गेल्या काही महिन्यांपासून किम जोंग यांची पत्नी रि सॉ जू यांचा सार्वजनिक जीवनातील वावर कमी होत असल्याने त्या गर्भवती असल्याची चर्चा सुरू होती. अखेर गुप्तहेर यंत्रणांनी दिलेल्या माहितीनुसार ती चर्चा खरी असल्याचे समोर आले आहे. उत्तर कोरियाने जपानवर मिसाइल सोडल्याच्या पार्श्वभूमीवर किम जोंग ऊन हे तिसऱ्यांदा पिता झाल्याची माहिती समोर आली आहे. गुप्तहेर यंत्रणांनी यापूर्वी दिलेल्या अहवालानुसार रि आणि किम यांचा २००९ साली विवाह झाला असून, त्यांना २०१० साली एक मूल झाले. त्यानंतर २०१३ साली दुसरे मूल झाले. त्यानंतर फेब्रुवारी २०१७ मध्ये तिसरे मूल झाल्याची माहिती गुप्तहेर यंत्रणांनी दिली आहे.
वृत्तसंस्था, सोल
अण्वस्त्रधारी उत्तर कोरियाने आपल्या राजधानीतून जपानच्या दिशेने बॅलेस्टिक क्षेपणास्त्र सोडल्याचा दावा दक्षिण कोरियाच्या लष्कराने आणि जपान सरकारने केला आहे. उत्तर कोरियाकडून वारंवार होत असलेल्या क्षेपणास्त्र चाचणीने अमेरिकेबरोबरील संबंधांत तणाव निर्माण झाला आहे. दरम्यान, या प्रक्षेपणाचा आपल्यासह अमेरिकेकडून अभ्यास करण्यात येत असल्याचे दक्षिण कोरियाने म्हटले आहे, तर हे क्षेपणास्त्र प्रशांत महासागरात कोसळल्याचा दावा जपानने केला आहे.
उत्तर कोरियाने जपानवरून बॅलेस्टिक क्षेपणास्त्र सोडण्यावरून दक्षिण कोरिया, जपान आणि अमेरिका या तिन्ही देशांशी उत्तर कोरियाचे संबंध आणखी तणावाचे बनले आहेत. ‘उत्तर कोरियाच्या या कृतीमुळे जपानच्या सुरक्षेला धोका निर्माण झाला आहे. याबाबत संयुक्त राष्ट्र सुरक्षा दलाची तत्काळ बैठक बोलावण्यात यावी; तसेच जपानी नागरिकांच्या सुरक्षेसाठी कडक पावले उचलण्यात येतील,’ जपानचे पंतप्रधान शिंजो अॅबे यांनी म्हटले आहे, तर ‘आमच्यापुढे सर्व पर्याय खुले आहेत,’ असा इशारा अमेरिकेचे अध्यक्ष डोनाल्ड ट्रम्प यांनी दिला आहे.
उत्तर कोरियाने काही दिवसांपूर्वीच कमी पल्ल्याच्या तीन बॅलेस्टिक क्षेपणास्त्रांची चाचणी केली होती. महिन्याभरापूर्वी दोन इंटरकॉन्टिनेन्टल बॅलेस्टिक क्षेपणास्त्राची चाचणीही केली होती. ही चाचणी अमेरिकेच्या भूभागाला क्षेपणास्त्राच्या टप्प्यात आणण्याचा प्रयत्न असल्याचे म्हटले जात होते. त्या शिवाय उत्तर कोरियाने अमेरिकेच्या गुआमच्या दिशेने अनियंत्रितपणे क्षेपणास्त्र सोडण्याची धमकीही दिली होती; परंतु अमेरिकेचे अध्यक्ष डोनाल्ड ट्रम्प यांनी उत्तर कोरियाच्या धमकीला ‘अमेरिकाही शस्त्रास्त्रसज्ज आहे,’ असे सडेतोड उत्तर दिले होते. उत्तर कोरियाच्या या कृतीमुळे संयुक्त राष्ट्र सुरक्षा परिषदेने उत्तर कोरियातून निर्यातीवर आणि देशातील गुंतवणुकीवर निर्बंध घातले होते.
‘कडक पावले उचलू’
‘उत्तर कोरियाकडून जपानच्या दिशेने सोडण्यात आलेल्या क्षेपणास्त्रामुळे जपानच्या सुरक्षेला धोका निर्माण झाला आहे. आम्ही या क्षेपणास्त्राची सर्व माहिती घेत असून, त्याचा अभ्यास करीत आहोत, याबाबत संयुक्त राष्ट्र सुरक्षा दलाची तत्काळ बैठक बोलावण्यात यावी; तसेच जपानी नागरिकांच्या सुरक्षेसाठी सर्वतोपरी पावले उचलण्यात येतील,’ जपानचे पंतप्रधान शिंजो अॅबे यांनी म्हटले आहे.
सर्व पर्याय खुले : ट्रम्प
जपानवरून क्षेपणास्त्र सोडण्याच्या उत्तर कोरियाच्या कृतीवर अमेरिकेने तीव्र प्रतिक्रिया दिली आहे. ‘उत्तर कोरियाविरुद्ध सर्व पर्याय खुले आहेत. उत्तर कोरियाकडून शेजारी राष्ट्र व संयुक्त राष्ट्राच्या सर्व सदस्य राष्ट्रांचा अवमान करण्यात येत आहे. हे आंतरराष्ट्रीय पातळीवर कदापि खपवून घेतले जाणार नाही. उत्तर कोरिया धमकावत आहे आणि अस्थिरता आणता आहे, या कृतीमुळे तो देशच एकाकी पडेल,’ असा इशारा अमेरिकेचे अध्यक्ष डोनाल्ड ट्रम्प यांनी दिला आहे.
किम जोंग तिसऱ्यांदा पिता
उत्तर कोरियाचे हुकूमशहा किम जोंग ऊन तिसऱ्यांदा पिता बनले असल्याची माहिती एका अहवालात देण्यात आली आहे. गेल्या काही महिन्यांपासून किम जोंग यांची पत्नी रि सॉ जू यांचा सार्वजनिक जीवनातील वावर कमी होत असल्याने त्या गर्भवती असल्याची चर्चा सुरू होती. अखेर गुप्तहेर यंत्रणांनी दिलेल्या माहितीनुसार ती चर्चा खरी असल्याचे समोर आले आहे. उत्तर कोरियाने जपानवर मिसाइल सोडल्याच्या पार्श्वभूमीवर किम जोंग ऊन हे तिसऱ्यांदा पिता झाल्याची माहिती समोर आली आहे. गुप्तहेर यंत्रणांनी यापूर्वी दिलेल्या अहवालानुसार रि आणि किम यांचा २००९ साली विवाह झाला असून, त्यांना २०१० साली एक मूल झाले. त्यानंतर २०१३ साली दुसरे मूल झाले. त्यानंतर फेब्रुवारी २०१७ मध्ये तिसरे मूल झाल्याची माहिती गुप्तहेर यंत्रणांनी दिली आहे.