Donald Trump अमेरिकेचे माजी राष्ट्राध्यक्ष डोनाल्ड ट्रम्प यांची भारतावर टीका, म्हणाले...

न्यूयॉर्क: अमेरिकेचे माजी राष्ट्राध्यक्ष डोनाल्ड ट्रम्प यांनी व्हाइट हाऊस सोडल्यानंतर पहिल्यांदाच एका कार्यक्रमाला हजेरी लावली. कंझरव्हेटिव्ह गटाने आयोजित केलेल्या कार्यक्रमात बोलताना त्यांनी विद्यमान राष्ट्राध्यक्ष जो बायडन यांच्यावर टीकास्त्र सोडले. बायडन यांनी पॅरीस करारात अमेरिकात पुन्हा एकदा सहभागी होणार असल्याची घोषणा केली. या कार्यक्रमात ट्रम्प यांनी पर्यावरणाच्या मुद्यावर भारतावर टीका केली.

फ्लोरिडामधील ओरलँडोमध्ये पार पडलेल्या कंझरव्हेटिव्ह पॉलिटिकल अॅक्शन कमिटी (सीपीएसी) च्या वार्षिक बैठकीत ट्रम्प बोलत होते. यावेळी त्यांनी म्हटले की, आम्ही (अमेरिका) नियमांचे पालन करत होतो. मात्र, चीन, रशिया आणि भारत वायू प्रदूषणात सर्वाधिक भर घालत होते. आपण प्रत्येक गोष्टींचे संरक्षणण करण्याचा प्रयत्न करत आहोत. तर, दुसरीकडे चीनने १० वर्षांसाठी करण्यात येणाऱ्या कामाचीही सुरुवात केली नाही. तर, रशियादेखील जु्न्याच पद्धतीने काम करत आहे. भारत हा प्रदूषण करणारा देश असल्याचे ट्रम्प यांनी म्हटले.

वाचा: चीनचे भारतात ४० हजार सायबर हल्ले; वीज पुरवठा खंडित करण्याचा डाव?

बायडन यांच्या इमिग्रेशन धोरणावरही ट्रम्प यांनी टीका केली. बायडन यांनी बेकायदेशीपणे होणाऱ्या इमिग्रेशनचा मार्ग मोकळा केला आहे. इमिग्रेशन योग्यतेच्या आधारावर मिळायला हवेत, असेही ट्रम्प यांनी म्हटले. अमेरिकेत योग्यतेच्या आधारावर प्रवेश दिला पाहिजे. जेणेकरून अमेरिकेला मदत होईल, असेही ट्रम्प यांनी सांगितले.

वाचा: Video: दुसऱ्या महायुद्धातील बॉम्बचा ८१ वर्षांनी स्फोट; परिसर हादरला

डोनाल्ड ट्रम्प यांनी याआधीदेखील भारतावर टीका केली होती. मागील वर्षी झालेल्या अमेरिका अध्यक्षीय वादविवादातही ट्रम्प यांनी भारताला सर्वाधिक प्रदूषण करणारा देश म्हणत गंभीर आरोप केले होते.