मटा ऑनलाइन वृत्त । संयुक्त राष्ट्रसंघ
भारत आणि पाकिस्तान यांच्यातील तणाव कमी करण्यासाठी मध्यस्थी करण्याची अमेरिकेचे राष्ट्राध्यक्ष डोनाल्ड ट्रम्प यांची इच्छा असल्याचे अमेरिकेकडून स्पष्ट करण्यात आले आहे. संयुक्त राष्ट्रसंघात अमेरिकेच्या स्थायी प्रतिनिधी असलेल्या निकी हेली यांनी याबाबत माहिती दिली. भारत-पाकिस्तान यांच्यातील तणावाबाबत अमेरिकेला चिंता आहे आणि शांततेच्या मार्गाने तणाव निवळावा असे डोनाल्ड ट्रम्प यांना वाटत आहे, असे निकी म्हणाल्या.
भारत-पाकिस्तान यांच्यातील वादाच्या मुद्द्यांवर तोडगा काढण्यासाठी त्रयस्थाची मध्यस्थी भारताने नेहमीच नाकारली आहे. असे असताना ट्रम्प यांनी या दोन्ही देशांत मध्यस्थी करण्याची तयारी दर्शविल्याने येत्या काळात त्यावरून बऱ्याच घडामोडी घडण्याची शक्यता आहे.
विशेष म्हणजे ट्रम्प यांनी २०१६ मध्ये आपल्या प्रचारादरम्यानही भारत-पाकिस्तान यांच्यात मध्यस्थी करण्याचा मुद्दा उचलला होता. या दोन्ही देशांची तयारी असेल तरच ते शक्य आहे, असेही त्यांनी तेव्हा नमूद केले होते. दरम्यान, आज पत्रकार परिषदेत निकी यांना याच मुद्द्यावर एका पत्रकाराने प्रश्न विचारला असता त्यांनी वरील विधान केले. अमेरिकेच्या ट्रम्प शासनाकडून नियुक्त एखाद्या उच्चपदस्थ व्यक्तीने भारत-पाक संबंधांबाबत केलेली ही पहिलीच टिपण्णी आहे.
#WATCH Nikki R Haley(Permanent Rep of the US to UN) speaks on if Washington would make any effort to get India&Pak to engage in peace talks. pic.twitter.com/uL02Z8iwX8 — ANI (@ANI_news) April 4, 2017
भारत आणि पाकिस्तान यांच्यातील तणाव कमी करण्यासाठी मध्यस्थी करण्याची अमेरिकेचे राष्ट्राध्यक्ष डोनाल्ड ट्रम्प यांची इच्छा असल्याचे अमेरिकेकडून स्पष्ट करण्यात आले आहे. संयुक्त राष्ट्रसंघात अमेरिकेच्या स्थायी प्रतिनिधी असलेल्या निकी हेली यांनी याबाबत माहिती दिली. भारत-पाकिस्तान यांच्यातील तणावाबाबत अमेरिकेला चिंता आहे आणि शांततेच्या मार्गाने तणाव निवळावा असे डोनाल्ड ट्रम्प यांना वाटत आहे, असे निकी म्हणाल्या.
भारत-पाकिस्तान यांच्यातील वादाच्या मुद्द्यांवर तोडगा काढण्यासाठी त्रयस्थाची मध्यस्थी भारताने नेहमीच नाकारली आहे. असे असताना ट्रम्प यांनी या दोन्ही देशांत मध्यस्थी करण्याची तयारी दर्शविल्याने येत्या काळात त्यावरून बऱ्याच घडामोडी घडण्याची शक्यता आहे.
विशेष म्हणजे ट्रम्प यांनी २०१६ मध्ये आपल्या प्रचारादरम्यानही भारत-पाकिस्तान यांच्यात मध्यस्थी करण्याचा मुद्दा उचलला होता. या दोन्ही देशांची तयारी असेल तरच ते शक्य आहे, असेही त्यांनी तेव्हा नमूद केले होते. दरम्यान, आज पत्रकार परिषदेत निकी यांना याच मुद्द्यावर एका पत्रकाराने प्रश्न विचारला असता त्यांनी वरील विधान केले. अमेरिकेच्या ट्रम्प शासनाकडून नियुक्त एखाद्या उच्चपदस्थ व्यक्तीने भारत-पाक संबंधांबाबत केलेली ही पहिलीच टिपण्णी आहे.
#WATCH Nikki R Haley(Permanent Rep of the US to UN) speaks on if Washington would make any effort to get India&Pak to engage in peace talks. pic.twitter.com/uL02Z8iwX8 — ANI (@ANI_news) April 4, 2017