मटा ऑनलाइन वृत्त । पॅरिस
महिलांविषयी आक्षेपार्ह वक्तव्यांमुळं सतत वादात सापडणारे अमेरिकेचे अध्यक्ष डोनाल्ड ट्रम्प यांनी पुन्हा एकदा वाद ओढवून घेतला आहे. फ्रान्सच्या दौऱ्यावर असलेल्या ट्रम्प यांनी फ्रान्सचे अध्यक्ष एमॅन्युअल मॅक्रोन यांच्या पत्नी ब्रिजिट यांच्या 'फिगर'चं कौतुक केलं आहे. त्यांच्या या 'सौंदर्यदृष्टी'ची जगभर जोरदार चर्चा सुरू आहे.
ट्रम्प हे सध्या त्यांची पत्नी मेलानिया हिच्यासोबत फ्रान्सच्या दौऱ्यावर आहेत. फ्रान्सचे अध्यक्ष मॅक्रोन व त्यांच्या पत्नी ब्रिजिट यांनी ट्रम्प दाम्पत्याचं फ्रान्समध्ये स्वागत केलं. यावेळी ट्रम्प यांनी ब्रिजिट यांच्या दोन्ही गालावर पॅरिस स्टाइल किस केलं. बराच वेळ ते ब्रिजिट यांचा हात हातात घेऊन उभे होते. यावेळच्या चर्चेदरम्यान ट्रम्प यांनी ब्रिजिट यांच्या सुडौल शरीराचं कौतुक केलं. 'तुमची फिगर किती चांगली आहे. सुंदर!' असं ते म्हणाले.
ट्रम्प यांच्या या अनपेक्षित टिप्पणीवर ब्रिजिट यांची प्रतिक्रिया नेमकी काय होती, हे कळू शकलं नाही. मात्र, त्या काहीशा अस्वस्थ दिसल्या. ट्रम्प यांची ही टिप्पणी फ्रान्स सरकारच्या अधिकृत फेसबुक लाइव्हवर सर्वांनीच ऐकली. ट्रम्प हे ब्रिजिट यांच्या फिगरचं कौतुक करत असताना त्यांची पत्नी मेलानियाही तिथंच होती. त्यांनी ट्रम्प यांच्या या वक्तव्याला कसा प्रतिसाद दिला, हेही समजू शकलेलं नाही.
महिलांविषयी आक्षेपार्ह वक्तव्यांमुळं सतत वादात सापडणारे अमेरिकेचे अध्यक्ष डोनाल्ड ट्रम्प यांनी पुन्हा एकदा वाद ओढवून घेतला आहे. फ्रान्सच्या दौऱ्यावर असलेल्या ट्रम्प यांनी फ्रान्सचे अध्यक्ष एमॅन्युअल मॅक्रोन यांच्या पत्नी ब्रिजिट यांच्या 'फिगर'चं कौतुक केलं आहे. त्यांच्या या 'सौंदर्यदृष्टी'ची जगभर जोरदार चर्चा सुरू आहे.
ट्रम्प हे सध्या त्यांची पत्नी मेलानिया हिच्यासोबत फ्रान्सच्या दौऱ्यावर आहेत. फ्रान्सचे अध्यक्ष मॅक्रोन व त्यांच्या पत्नी ब्रिजिट यांनी ट्रम्प दाम्पत्याचं फ्रान्समध्ये स्वागत केलं. यावेळी ट्रम्प यांनी ब्रिजिट यांच्या दोन्ही गालावर पॅरिस स्टाइल किस केलं. बराच वेळ ते ब्रिजिट यांचा हात हातात घेऊन उभे होते. यावेळच्या चर्चेदरम्यान ट्रम्प यांनी ब्रिजिट यांच्या सुडौल शरीराचं कौतुक केलं. 'तुमची फिगर किती चांगली आहे. सुंदर!' असं ते म्हणाले.
ट्रम्प यांच्या या अनपेक्षित टिप्पणीवर ब्रिजिट यांची प्रतिक्रिया नेमकी काय होती, हे कळू शकलं नाही. मात्र, त्या काहीशा अस्वस्थ दिसल्या. ट्रम्प यांची ही टिप्पणी फ्रान्स सरकारच्या अधिकृत फेसबुक लाइव्हवर सर्वांनीच ऐकली. ट्रम्प हे ब्रिजिट यांच्या फिगरचं कौतुक करत असताना त्यांची पत्नी मेलानियाही तिथंच होती. त्यांनी ट्रम्प यांच्या या वक्तव्याला कसा प्रतिसाद दिला, हेही समजू शकलेलं नाही.