वृत्तसंस्था, दुबई
भारताचे पंतप्रधान नरेंद्र मोदी संयुक्त अरब अमिरातच्या (यूएई) दौऱ्यासाठी रवाना झाल्याच्या पार्श्वभूमीवर त्यांचे स्वागत करण्यासाठी जय्यत तयारी करण्यात आली आहे. त्याचाच एक भाग म्हणून दुबईतील प्रत्येक महत्त्वाच्या इमारती शुक्रवारपासूनच भारतीय तिरंग्यात रंगल्या आहेत. त्यामध्ये जगातील सर्वांत उंच इमारत असणाऱ्या बुर्ज खलिफाचाही समावेश आहे. येथे संयुक्त अरब अमिरातचे राजे मोदींची भेट घेणार आहेत.
'ट्विटर'वर छायाचित्रे जारी
संयुक्त अरब अमिरातमधील भारतीय राजदूत नवदीप सुरी यांनी आपल्या ट्विटर हँडलवर तिरंग्यात सजलेल्या बुर्ज खलिफाची छायाचित्रे पोस्ट केली आहेत. या पोस्टखाली 'शब्दांपेक्षा चित्रेच अधिक बोलकी असतात,' अशी मार्मिक टिप्पणीही करण्यास ते विसरले नाहीत.
तिरंग्यात रंगलेल्या इमारती
आपल्या अतिथीचा आदरसत्कार करण्याची संयुक्त अरब अमिरातची ही पद्धत प्रेमात पाडणारी आहे, असेही सुरी यांनी आपल्या ट्विटमध्ये नमूद केले आहे. सुरी यांच्या पोस्टनुसार बुर्ज खलिफा (३४२ मीटर), दुबई फ्रेम (१५० मीटर उंच) आणि 'अबूधाबी नॅशनल ऑइल कंपनी' अर्थात 'एडीएनओसी'ची इमारत तिरंग्यात रंगली आहे. पंतप्रधान शनिवारी रात्री दुबईत पोहेचणार आहेत. तेथे त्यांची भेट प्रिन्स ऑफ अबुधाबी शेख महंम्मद बिन जायेद अल नह्यान यांच्याशी होणार आहे. मोदींना प्रेसिडेन्शियल पॅलेसमध्ये 'गार्ड ऑफ ऑनर'ही दिला जाणार आहे.
तीन देशांच्या दौऱ्यांवर
मोदी आखातातील पॅलेस्टाइन, संयुक्त अरब अमिरात आणि ओमानच्या दौऱ्यावर आहेत. ते संयुक्त अरब अमिरातमध्ये मंदिराचा शिलान्यास करणार आहेत. याशिवाय ओमानमध्ये १०० वर्ष जुन्या शिवमंदिरातही जाणार आहेत. शिवाय मशिदीलाही भेट देणार आहेत.
अडीच वर्षांत दुसरा दौरा
- मोदी यापूर्वी २०१५मध्ये संयुक्त अरब अमिरातीच्या दौऱ्यावर गेले होते. त्या वेळी ते ३४ वर्षांनंतर तेथे जाणारे पहिलेच पंतप्रधान ठरले होते. या वेळी दोन्ही देशांमध्ये बारा करार होणार आहेत. संयुक्त अरब अमिरातीबरोबर यापूर्वी भारताने कॉम्प्रिहेन्सिव्ह स्ट्रॅटेजिक पार्टनरशिप केली आहे.
- मोदी रविवारी संयुक्त अरब अमिरातीच्या शहीद जवानांच्या स्मृतिप्रीत्यर्थ उभारण्यात आलेल्या स्मारकाला भेट देणार आहेत. या शिवाय एका सभेतही मार्गदर्शन करणार आहेत.
- या शिवाय दुबईमध्ये वर्ल्ड समिटमध्ये सहभागी होणार आहेत. याच कार्यक्रमात २६ देशांचे सरकारी प्रतिनिधी, प्रमुख, मंत्री, उद्योगपती सहभागी होणार आहेत.
- संयुक्त अरब अमिरातीमध्ये ३३ लाख भारतीय वास्तव्याला असून, ते दरवर्षी १४ अब्ज डॉलर भारतात पाठवतात.
- भारत आणि संयुक्त अरब अमिराती दरम्यान मोठ्या प्रमाणावर व्यापार चालतो. दोन्ही देशांमधील एकूण व्यापार ३.४१ लाख कोटी रुपयांचा आहे.
विदेशी वृत्तपत्रांनी केले मोदींचे स्वागत
पंतप्रधान नरेंद्र मोदी यांच्या ऐतिहासिक पश्चिम आशिया दौऱ्याचे विदेशी वृत्तपत्रांनी साग्रसंगीत वृत्तांकन करण्यास सुरुवात केली आहे. संयुक्त अरब अमिरातच्या सर्वांत जुन्या 'खलीज टाइम्स' या इंग्रजी वृत्तपत्राने शनिवारी मोदींच्या स्वागताप्रीत्यर्थ शनिवारी पानभर जाहिरात प्रसिद्ध केली आहे. या शिवाय मोदींची मुलाखतही प्रसिद्ध करण्यात आली आहे. मोदींच्या या दौऱ्याचे वर्णन ऐतिहासिक असेही करण्यात आले आहे. मोदींच्या स्वागताच्या बातमीचे शीर्षक 'संबंध वृद्धिंगत करण्यासाठी दोन मित्रांची बैठक' (Old friends to boost ties) असे देण्यात आले आहे. न्यूज एक्सप्रेस'नेही मोदींची प्रदीर्घ मुलाखत प्रसिद्ध केली आहे. या मुलाखतीचे शीर्षक 'टुडे इज माय फेव्हरिट डे : नरेंद्र मोदी' असे देण्यात आले आहे. या शिवाय अनेक वृत्तपत्रांनी मोदींच्या दौऱ्यानिमित्त विविध पुरवण्याही काढल्या आहेत.
भारताचे पंतप्रधान नरेंद्र मोदी संयुक्त अरब अमिरातच्या (यूएई) दौऱ्यासाठी रवाना झाल्याच्या पार्श्वभूमीवर त्यांचे स्वागत करण्यासाठी जय्यत तयारी करण्यात आली आहे. त्याचाच एक भाग म्हणून दुबईतील प्रत्येक महत्त्वाच्या इमारती शुक्रवारपासूनच भारतीय तिरंग्यात रंगल्या आहेत. त्यामध्ये जगातील सर्वांत उंच इमारत असणाऱ्या बुर्ज खलिफाचाही समावेश आहे. येथे संयुक्त अरब अमिरातचे राजे मोदींची भेट घेणार आहेत.
'ट्विटर'वर छायाचित्रे जारी
संयुक्त अरब अमिरातमधील भारतीय राजदूत नवदीप सुरी यांनी आपल्या ट्विटर हँडलवर तिरंग्यात सजलेल्या बुर्ज खलिफाची छायाचित्रे पोस्ट केली आहेत. या पोस्टखाली 'शब्दांपेक्षा चित्रेच अधिक बोलकी असतात,' अशी मार्मिक टिप्पणीही करण्यास ते विसरले नाहीत.
तिरंग्यात रंगलेल्या इमारती
आपल्या अतिथीचा आदरसत्कार करण्याची संयुक्त अरब अमिरातची ही पद्धत प्रेमात पाडणारी आहे, असेही सुरी यांनी आपल्या ट्विटमध्ये नमूद केले आहे. सुरी यांच्या पोस्टनुसार बुर्ज खलिफा (३४२ मीटर), दुबई फ्रेम (१५० मीटर उंच) आणि 'अबूधाबी नॅशनल ऑइल कंपनी' अर्थात 'एडीएनओसी'ची इमारत तिरंग्यात रंगली आहे. पंतप्रधान शनिवारी रात्री दुबईत पोहेचणार आहेत. तेथे त्यांची भेट प्रिन्स ऑफ अबुधाबी शेख महंम्मद बिन जायेद अल नह्यान यांच्याशी होणार आहे. मोदींना प्रेसिडेन्शियल पॅलेसमध्ये 'गार्ड ऑफ ऑनर'ही दिला जाणार आहे.
तीन देशांच्या दौऱ्यांवर
मोदी आखातातील पॅलेस्टाइन, संयुक्त अरब अमिरात आणि ओमानच्या दौऱ्यावर आहेत. ते संयुक्त अरब अमिरातमध्ये मंदिराचा शिलान्यास करणार आहेत. याशिवाय ओमानमध्ये १०० वर्ष जुन्या शिवमंदिरातही जाणार आहेत. शिवाय मशिदीलाही भेट देणार आहेत.
अडीच वर्षांत दुसरा दौरा
- मोदी यापूर्वी २०१५मध्ये संयुक्त अरब अमिरातीच्या दौऱ्यावर गेले होते. त्या वेळी ते ३४ वर्षांनंतर तेथे जाणारे पहिलेच पंतप्रधान ठरले होते. या वेळी दोन्ही देशांमध्ये बारा करार होणार आहेत. संयुक्त अरब अमिरातीबरोबर यापूर्वी भारताने कॉम्प्रिहेन्सिव्ह स्ट्रॅटेजिक पार्टनरशिप केली आहे.
- मोदी रविवारी संयुक्त अरब अमिरातीच्या शहीद जवानांच्या स्मृतिप्रीत्यर्थ उभारण्यात आलेल्या स्मारकाला भेट देणार आहेत. या शिवाय एका सभेतही मार्गदर्शन करणार आहेत.
- या शिवाय दुबईमध्ये वर्ल्ड समिटमध्ये सहभागी होणार आहेत. याच कार्यक्रमात २६ देशांचे सरकारी प्रतिनिधी, प्रमुख, मंत्री, उद्योगपती सहभागी होणार आहेत.
- संयुक्त अरब अमिरातीमध्ये ३३ लाख भारतीय वास्तव्याला असून, ते दरवर्षी १४ अब्ज डॉलर भारतात पाठवतात.
- भारत आणि संयुक्त अरब अमिराती दरम्यान मोठ्या प्रमाणावर व्यापार चालतो. दोन्ही देशांमधील एकूण व्यापार ३.४१ लाख कोटी रुपयांचा आहे.
विदेशी वृत्तपत्रांनी केले मोदींचे स्वागत
पंतप्रधान नरेंद्र मोदी यांच्या ऐतिहासिक पश्चिम आशिया दौऱ्याचे विदेशी वृत्तपत्रांनी साग्रसंगीत वृत्तांकन करण्यास सुरुवात केली आहे. संयुक्त अरब अमिरातच्या सर्वांत जुन्या 'खलीज टाइम्स' या इंग्रजी वृत्तपत्राने शनिवारी मोदींच्या स्वागताप्रीत्यर्थ शनिवारी पानभर जाहिरात प्रसिद्ध केली आहे. या शिवाय मोदींची मुलाखतही प्रसिद्ध करण्यात आली आहे. मोदींच्या या दौऱ्याचे वर्णन ऐतिहासिक असेही करण्यात आले आहे. मोदींच्या स्वागताच्या बातमीचे शीर्षक 'संबंध वृद्धिंगत करण्यासाठी दोन मित्रांची बैठक' (Old friends to boost ties) असे देण्यात आले आहे. न्यूज एक्सप्रेस'नेही मोदींची प्रदीर्घ मुलाखत प्रसिद्ध केली आहे. या मुलाखतीचे शीर्षक 'टुडे इज माय फेव्हरिट डे : नरेंद्र मोदी' असे देण्यात आले आहे. या शिवाय अनेक वृत्तपत्रांनी मोदींच्या दौऱ्यानिमित्त विविध पुरवण्याही काढल्या आहेत.