लंडन: दक्षिण-पूर्वे इंग्लंडमध्ये एका इंडस्ट्रियल पार्कमध्ये उभ्या असलेल्या ट्रकमध्ये ३९ मृतदेह आढळल्याने एकच घबराट पसरली आहे. या ३९ मृतदेहांमध्ये एका अल्पवयीन मुलाचाही समावेश आहे. याप्रकरणी पूर्व आयर्लंडमधील एका २५ वर्षीय तरुणाला अटक करण्यात आली असून त्याची कसून चौकशी करण्यात येत आहे.
लंडनजवळील ग्रेजच्या एका इंडस्ट्रीयल पार्कमध्ये बुधवारी एका ट्रकमध्ये हे मृतदेह आढळले. स्थानिक प्रमाणित वेळेनुसार बुधवारी रात्री १ वाजून ४० मिनिटांनी एका अॅम्ब्युलन्स सर्व्हिसने याबाबतची माहिती दिली होती. या अॅम्ब्युलन्स सर्व्हिसला वाटरग्लॅड इंडस्ट्रीयल पार्कमध्ये एक ट्रक कंटेनर सापडला होता. त्यात त्यांना हे मृतदेह आढळून आले. याबाबत असेक्स पोलिसांनी एक निवेदन जारी करून या घटनेची माहिती दिली आहे. एकाच वेळी अनेक लोकांचा मृत्यू होणं ही अत्यंत दु:खद आणि वेदनादायी घटना. या लोकांसोबत नेमकं काय झालं होतं, याचा आम्ही तपास करत आहोत, असं पोलिसांनी म्हटलं आहे.
ट्रकमध्ये सापडलेल्या मृतदेहांची आम्ही ओळख पटवत आहोत. त्यात बराच वेळ जाणार आहे. बुल्गारियाहून हा ट्रक आला असावा, असं आम्हाला वाटतंय, असं अक्सेस पोलिसांचे प्रमुख अँड्र्यू मॅरिनर यांनी सांगितलं. शनिवारी हा ट्रक होलीलँडच्या मार्गे ब्रिटनमध्ये आला असावा. आयर्लंडला जाण्यासाठी हे प्रमुख बंदर आहे. या घटनेप्रकरणी आम्ही ट्रक चालकाला अटक केली आहे. चौकशी पूर्ण होईपर्यंत तो पोलीस कोठडीत राहील असंही मॅरिनर यांनी स्पष्ट केलं. दरम्यान, ब्रिटनचे पंतप्रधान बोरिस जॉन्सन यांनी या घटनेवर दु:ख व्यक्त केलं आहे.
लंडनजवळील ग्रेजच्या एका इंडस्ट्रीयल पार्कमध्ये बुधवारी एका ट्रकमध्ये हे मृतदेह आढळले. स्थानिक प्रमाणित वेळेनुसार बुधवारी रात्री १ वाजून ४० मिनिटांनी एका अॅम्ब्युलन्स सर्व्हिसने याबाबतची माहिती दिली होती. या अॅम्ब्युलन्स सर्व्हिसला वाटरग्लॅड इंडस्ट्रीयल पार्कमध्ये एक ट्रक कंटेनर सापडला होता. त्यात त्यांना हे मृतदेह आढळून आले. याबाबत असेक्स पोलिसांनी एक निवेदन जारी करून या घटनेची माहिती दिली आहे. एकाच वेळी अनेक लोकांचा मृत्यू होणं ही अत्यंत दु:खद आणि वेदनादायी घटना. या लोकांसोबत नेमकं काय झालं होतं, याचा आम्ही तपास करत आहोत, असं पोलिसांनी म्हटलं आहे.
ट्रकमध्ये सापडलेल्या मृतदेहांची आम्ही ओळख पटवत आहोत. त्यात बराच वेळ जाणार आहे. बुल्गारियाहून हा ट्रक आला असावा, असं आम्हाला वाटतंय, असं अक्सेस पोलिसांचे प्रमुख अँड्र्यू मॅरिनर यांनी सांगितलं. शनिवारी हा ट्रक होलीलँडच्या मार्गे ब्रिटनमध्ये आला असावा. आयर्लंडला जाण्यासाठी हे प्रमुख बंदर आहे. या घटनेप्रकरणी आम्ही ट्रक चालकाला अटक केली आहे. चौकशी पूर्ण होईपर्यंत तो पोलीस कोठडीत राहील असंही मॅरिनर यांनी स्पष्ट केलं. दरम्यान, ब्रिटनचे पंतप्रधान बोरिस जॉन्सन यांनी या घटनेवर दु:ख व्यक्त केलं आहे.