नवी दिल्ली : आपल्यावर गोळीबार झाल्याचा दावा आम आदमी पक्षाचे आमदार प्रकाश जरवाल यांनी बुधवारी केला आहे. मात्र याबाबत पोलिसांनी अशी काही घटना घडल्याचा इन्कार केला आहे. 'दक्षिण दिल्लीतील संगम विहार येथे रविवारी आपल्यावर गोळीबार झाला. याची माहिती आपण तोंडी स्वरूपात पोलिसांना दिली. त्यानंतर आपण रितसर तक्रारही नोंदविली. बेकायदा दारू विक्रेत्याने हा गोळीबार केला असून, तो गेले तीन दिवस आपला पाठलाग करीत होता,' असा दावाही जरवाल यांनी केला. मात्र पोलिसांनी या घटनेचा इन्कार केला आहे. ज्या ठिकाणी गोळीबार झाला तेथील सीसीटीव्ही फूटेज तपासले असतात असे काही घडल्याचे दिसले नाही, असे पोलिसांनी सांगितले.
गोळीबाराचा आमदाराचा दावा
आपल्यावर गोळीबार झाल्याचा दावा आम आदमी पक्षाचे आमदार प्रकाश जरवाल यांनी बुधवारी केला आहे...
महाराष्ट्र टाइम्स.कॉम 11 Jul 2019, 4:00 am