वॉशिंग्टन: जगभरातील जवळपास २०० देशांमध्ये करोनाचा संसर्ग फैलावला आहे. करोनाच्या संसर्गाला मात देण्यासाठी अटकाव करण्यासाठी विविध देशांतील १०० हून अधिक कंपन्या प्रयत्न करत आहेत. यातील काही करोना प्रतिबंधक लस महत्त्वाच्या टप्प्यावर आहेत. काही कंपन्यांनी आपली लस प्रभावी ठरत असल्याचा दावा केला असून दुसऱ्या व तिसऱ्या टप्प्याच्या चाचणीकडे त्यांनी वाटचाल केली आहे. अमेरिकेने पाच कंपन्यांच्या लसींवर विश्वास दाखवला असून त्याबाबतची महत्त्वाची घोषणा लवकर होण्याची शक्यता आहे.
न्यूयॉर्क टाइम्सच्या वृत्तानुसार, अमेरिकन प्रशासनाने लसीसाठी पाच कंपन्यांची निवड केली आहे. यामध्ये मॉडर्ना इंक, एस्ट्राजेनेका पीएलसी, फाइजर इंक, जॉन्सन अॅण्ड जॉन्सन आणि मर्क एंड को इंक यांचा समावेश आहे. या कंपन्यांना लस विकसित करण्यासाठी अतिरिक्त निधीदेखील देण्यात येणार असल्याची चर्चा आहे. या लसीच्या माहितीबाबत येत्या काही दिवसांमध्ये व्हाइट हाउसकडून मोठी घोषणा होण्याची शक्यता वर्तवण्यात येत आहे. अमेरिकेतील अनेक आरोग्य तज्ञ सध्या लसींवर काम करत आहेत. या वर्ष अखेरपर्यंत करोनावर लस सापडणार असल्याचा दावा याआधीच करण्यात आला होता. येत्या एक-दोन महिन्यात या लस चाचणीचा आणखी टप्पा पूर्ण होणार आहे. मॉडर्ना आणि एस्ट्राजेनेका ऑक्सफोर्ड विद्यापीठाच्या लसींची चाचणी महत्त्वाच्या टप्प्यावर असल्याचे वृत्त आहे.
वाचा: 'या' रक्तगटाच्या व्यक्तींना करोना संसर्गाचा धोका!
वाचा: करोना: रुग्णांच्या अॅण्टीबॉडीने औषधनिर्मिती; बाधितांवर चाचणी सुरू
या लसींची मोठ्या प्रमाणावर क्लिनिकल ट्रायल घेण्यात येणार आहे. यासाठी जवळपास एक लाख स्वयंसेवकांची आवश्यकता भासणार आहे. अमेरिकन प्रशासनाने निवड केलेल्या कंपन्यांची उत्पादन क्षमता अधिक चांगली असून डोस निर्मिती करण्यासाठीचे आव्हान पेलण्यास या कंपन्या सक्षम आहेत.
वाचा: करोनाच्या लढाईत दोन 'अस्त्र ' ठरत आहेत प्रभावी
वाचा: करोना चाचणीची लस घेतली आणि बेशुद्ध पडला!
दरम्यान, याआधी, मॉडर्ना इंकने केलेल्या दाव्यानुसार, करोनावर मात केलेल्या रुग्णांमध्ये आढळणाऱ्या अॅण्टीबॉडीज एवढी पातळी ही लस दिलेल्या व्यक्तींमध्ये आढळली. मुख्य वैद्यकीय अधिकारी डॉ. टाल जॅक्स यांनी सांगितले की, या लसीच्या चाचणीच्या पहिल्या टप्प्यात mRNA-1273 ही लस करोनावर प्रभावी ठरू शकते, असे आढळले असल्याचे काही दिवसांपूर्वी जाहीर केले होते. तर, चीनमध्ये ही एका कंपनीने आपली लस ९९ टक्के प्रभावी असल्याचा दावा केला आहे. ही लस पहिल्या टप्प्यात यशस्वी झाली असून दुसऱ्या टप्प्यातील चाचणी युरोपमध्ये घेण्याचा प्रयत्न सुरू असल्याचे त्यांनी सांगितले.
न्यूयॉर्क टाइम्सच्या वृत्तानुसार, अमेरिकन प्रशासनाने लसीसाठी पाच कंपन्यांची निवड केली आहे. यामध्ये मॉडर्ना इंक, एस्ट्राजेनेका पीएलसी, फाइजर इंक, जॉन्सन अॅण्ड जॉन्सन आणि मर्क एंड को इंक यांचा समावेश आहे. या कंपन्यांना लस विकसित करण्यासाठी अतिरिक्त निधीदेखील देण्यात येणार असल्याची चर्चा आहे. या लसीच्या माहितीबाबत येत्या काही दिवसांमध्ये व्हाइट हाउसकडून मोठी घोषणा होण्याची शक्यता वर्तवण्यात येत आहे. अमेरिकेतील अनेक आरोग्य तज्ञ सध्या लसींवर काम करत आहेत. या वर्ष अखेरपर्यंत करोनावर लस सापडणार असल्याचा दावा याआधीच करण्यात आला होता. येत्या एक-दोन महिन्यात या लस चाचणीचा आणखी टप्पा पूर्ण होणार आहे. मॉडर्ना आणि एस्ट्राजेनेका ऑक्सफोर्ड विद्यापीठाच्या लसींची चाचणी महत्त्वाच्या टप्प्यावर असल्याचे वृत्त आहे.
वाचा: करोना: रुग्णांच्या अॅण्टीबॉडीने औषधनिर्मिती; बाधितांवर चाचणी सुरू
या लसींची मोठ्या प्रमाणावर क्लिनिकल ट्रायल घेण्यात येणार आहे. यासाठी जवळपास एक लाख स्वयंसेवकांची आवश्यकता भासणार आहे. अमेरिकन प्रशासनाने निवड केलेल्या कंपन्यांची उत्पादन क्षमता अधिक चांगली असून डोस निर्मिती करण्यासाठीचे आव्हान पेलण्यास या कंपन्या सक्षम आहेत.
वाचा: करोनाच्या लढाईत दोन 'अस्त्र ' ठरत आहेत प्रभावी
वाचा: करोना चाचणीची लस घेतली आणि बेशुद्ध पडला!
दरम्यान, याआधी, मॉडर्ना इंकने केलेल्या दाव्यानुसार, करोनावर मात केलेल्या रुग्णांमध्ये आढळणाऱ्या अॅण्टीबॉडीज एवढी पातळी ही लस दिलेल्या व्यक्तींमध्ये आढळली. मुख्य वैद्यकीय अधिकारी डॉ. टाल जॅक्स यांनी सांगितले की, या लसीच्या चाचणीच्या पहिल्या टप्प्यात mRNA-1273 ही लस करोनावर प्रभावी ठरू शकते, असे आढळले असल्याचे काही दिवसांपूर्वी जाहीर केले होते. तर, चीनमध्ये ही एका कंपनीने आपली लस ९९ टक्के प्रभावी असल्याचा दावा केला आहे. ही लस पहिल्या टप्प्यात यशस्वी झाली असून दुसऱ्या टप्प्यातील चाचणी युरोपमध्ये घेण्याचा प्रयत्न सुरू असल्याचे त्यांनी सांगितले.