थायलंड हादरले! प्री-स्कूलमध्ये झालेल्या गोळीबारात ३४ जण ठार, मृतांमध्ये लहान मुलांचा समावेश

बँकॉक: थायलंडमध्ये एका प्री-स्कूलमध्ये गोळीबार झाल्याचे वृत्त असून त्यात ३४ जणांचा मृत्यू झाला आहे. एका माजी पोलिस अधिकाऱ्याने प्री-स्कूल चाइल्ड डे-केअर सेंटरमध्ये गोळीबार केला.

थायलंडच्या उत्तर पूर्व भागातील बुआ लाम्फू येथे झालेल्या या घटनेनंतर गोळीबार करणारा फरार झाला आहे. पोलिसांनी दिलेल्या माहितीनुसार ठार झालेल्यामध्ये मुलांचा आणि जेष्ठ नागरिकांचा समावेश आहे. गोळीबार करणाऱ्याने चाकूने देखील हल्ला केल्याचे समजते. गोळीबार नेमका कशासाठी केला हे अद्याप समजू शकले नाही.

वाचा- टीम इंडियाचे मिशन टी-२० वर्ल्डकप सुरू; भारतातून थेट जाणार या शहरात


वाचा- दसरा मेळावा झाल्यानंतर मुख्यमंत्र्यांनी तातडीने पोलिस आयुक्तांना का फोन लावला; शिंदे...

राष्ट्रीय पोलिस प्रवक्ता अचयों क्रॅथोंग यांनी दिलेल्या माहितीनुसार, ही घटना नोंग बुआ लाम्फू प्रांतात घडली आहे. या घटनेत किमान ३४ जणांचा मृत्यू झाल्याचे समोर आले आहे. हल्ला करणाऱ्या व्यक्तीचा शोध सुरू असल्याचे क्रॅथोंग यांनी सांगितले. सरकारी प्रवक्त्याने दिलेल्या माहितीनुसार पंतप्रधानांनी सर्व तपास यंत्रणांना संबंधित हल्लोखोराचा शोध घेण्याचे आदेश दिले आहेत.



थायलंडमध्ये बंदूक बाळगणाऱ्यांचे प्रमाण अन्य देशांपेक्षा अधिक आहे.