वृत्तसंस्था, फ्रान्स
फ्रान्समध्ये करोनाची तिसरी लाट आली असून साथ आटोक्यात आणण्यासाठी राष्ट्राध्यक्ष इमॅन्युएल मॅक्रॉन यांनी देशात लॉकडाउन जाहीर केला आहे. फ्रान्समध्ये तीन आठवड्यांसाठी शाळाही बंद ठेवण्यात येणार आहे. फ्रान्समध्ये आतापर्यंत करोना विषाणूमुळे जवळपास एक लाख नागरिकांचा मृत्यू झाला आहे. करोनाचे हॉटस्पॉट ठरलेल्या ठिकाणांवर रुग्णालयांमध्ये आरोग्य व्यवस्था अपुरी पडू लागली आहे. करोना काळात अर्थव्यवस्थेची गती मंदावू नये यासाठी फ्रान्समधील आर्थिक व्यवहार सुरू ठेवण्याचे धोरण राष्ट्राध्यक्ष मॅक्रॉन यांनी स्वीकारले होते. परंतु यामुळे फ्रान्सच्या अनेक भागात करोनाचा झपाट्याने प्रसार होत असल्याचे दिसून आले आहे. त्यामुळे आता आर्थिक हित बाजुला ठेवून देशभर लॉकडाउन लावण्याचा कटू निर्णय फ्रान्स सरकारने घेतला आहे.
‘लॉकडाउनबाबत आत्ता निर्णय नाही घेतला तर भविष्यात साथीवर नियंत्रण मिळविणे कठीण होईल’, असं मत मॅक्रॉन यांनी देशाला उद्देशून केलेल्या टीव्ही संबोधनात म्हटलं आहे. फ्रान्समध्ये राजधानी पॅरिससह उत्तर आणि दक्षिण भागातील राज्यांत गेल्या आठवड्यापासून अंशतः लॉकडाउन सुरूच आहे. आता संपूर्ण देशात एका महिन्यासाठी कठोर बंधने घालण्यात आली आहे.
करोना साथीच्या काळात फ्रान्समध्ये शैक्षणिक कार्यात कोणताही अडथळा येऊ देणार नसल्याचे आश्वासन मॅक्रॉन देशवासीयांना दिले होते. परंतु रुग्णांची वाढती संख्या पाहता तीन आठवड्यांसाठी शाळा बंद ठेवण्याची घोषणा त्यांनी यावेळी केली.
फ्रान्समध्ये करोना रुग्णांची संख्या वाढत असल्याने लॉकडाउन लावण्याबाबत प्रशासनाकडून जानेवारी महिन्यापासून चाचपणी सुरू होती. परंतु राष्ट्राध्यक्ष मॅक्रॉन गेले दोन महिने लॉकडाउनचा पर्याय टाळत होते. गेल्या वर्षीच्या लॉकडाउनमुळे फ्रान्सचे बरेच आर्थिक नुकसान झाले होते. हे नुकसान भरून यावे यासाठी लॉकडाउनशिवाय फ्रान्सला साथीतून कसे बाहेर काढता येईल यावर अधिक भर देण्यात येत होता. परंतु फ्रान्ससह युरोपच्या काही देशांमध्ये कोरोना विषाणुची वेगाने पसरणारी प्रजात आढळली आहे. यामुळे रुग्णांच्या संख्येत वेगाने वाढ होताना दिसत आहे. फ्रान्समध्ये दररोज ४० हजार करोनाचे नवे रुग्ण आढळत आहेत.
फ्रान्सच्या अर्थमंत्रालयानुसार नव्या लॉकडाउनमुळे दीड लाख छोटे-मोठे उद्योग बंद होणार असून यामुळे फ्रान्सला महिन्याला १३०० कोटी रुपयांचे नुकसान होण्याची शक्यता आहे. युरोप खंडात युरो-झोन म्हणून ओळखल्या जाणाऱ्या देशांमध्ये फ्रान्सची अर्थव्यवस्था ही दुसऱ्या क्रमांकाची अर्थव्यवस्था मानली जाते.
फ्रान्समध्ये लसीकरणाची मोहीम मंद गतीने सुरू असून आतापर्यंत केवळ १२ टक्के नागरिकांनाच लस देण्यात आली आहे.
फ्रान्समध्ये करोनाची तिसरी लाट आली असून साथ आटोक्यात आणण्यासाठी राष्ट्राध्यक्ष इमॅन्युएल मॅक्रॉन यांनी देशात लॉकडाउन जाहीर केला आहे. फ्रान्समध्ये तीन आठवड्यांसाठी शाळाही बंद ठेवण्यात येणार आहे. फ्रान्समध्ये आतापर्यंत करोना विषाणूमुळे जवळपास एक लाख नागरिकांचा मृत्यू झाला आहे. करोनाचे हॉटस्पॉट ठरलेल्या ठिकाणांवर रुग्णालयांमध्ये आरोग्य व्यवस्था अपुरी पडू लागली आहे. करोना काळात अर्थव्यवस्थेची गती मंदावू नये यासाठी फ्रान्समधील आर्थिक व्यवहार सुरू ठेवण्याचे धोरण राष्ट्राध्यक्ष मॅक्रॉन यांनी स्वीकारले होते. परंतु यामुळे फ्रान्सच्या अनेक भागात करोनाचा झपाट्याने प्रसार होत असल्याचे दिसून आले आहे. त्यामुळे आता आर्थिक हित बाजुला ठेवून देशभर लॉकडाउन लावण्याचा कटू निर्णय फ्रान्स सरकारने घेतला आहे.
‘लॉकडाउनबाबत आत्ता निर्णय नाही घेतला तर भविष्यात साथीवर नियंत्रण मिळविणे कठीण होईल’, असं मत मॅक्रॉन यांनी देशाला उद्देशून केलेल्या टीव्ही संबोधनात म्हटलं आहे. फ्रान्समध्ये राजधानी पॅरिससह उत्तर आणि दक्षिण भागातील राज्यांत गेल्या आठवड्यापासून अंशतः लॉकडाउन सुरूच आहे. आता संपूर्ण देशात एका महिन्यासाठी कठोर बंधने घालण्यात आली आहे.
करोना साथीच्या काळात फ्रान्समध्ये शैक्षणिक कार्यात कोणताही अडथळा येऊ देणार नसल्याचे आश्वासन मॅक्रॉन देशवासीयांना दिले होते. परंतु रुग्णांची वाढती संख्या पाहता तीन आठवड्यांसाठी शाळा बंद ठेवण्याची घोषणा त्यांनी यावेळी केली.
फ्रान्समध्ये करोना रुग्णांची संख्या वाढत असल्याने लॉकडाउन लावण्याबाबत प्रशासनाकडून जानेवारी महिन्यापासून चाचपणी सुरू होती. परंतु राष्ट्राध्यक्ष मॅक्रॉन गेले दोन महिने लॉकडाउनचा पर्याय टाळत होते. गेल्या वर्षीच्या लॉकडाउनमुळे फ्रान्सचे बरेच आर्थिक नुकसान झाले होते. हे नुकसान भरून यावे यासाठी लॉकडाउनशिवाय फ्रान्सला साथीतून कसे बाहेर काढता येईल यावर अधिक भर देण्यात येत होता. परंतु फ्रान्ससह युरोपच्या काही देशांमध्ये कोरोना विषाणुची वेगाने पसरणारी प्रजात आढळली आहे. यामुळे रुग्णांच्या संख्येत वेगाने वाढ होताना दिसत आहे. फ्रान्समध्ये दररोज ४० हजार करोनाचे नवे रुग्ण आढळत आहेत.
फ्रान्सच्या अर्थमंत्रालयानुसार नव्या लॉकडाउनमुळे दीड लाख छोटे-मोठे उद्योग बंद होणार असून यामुळे फ्रान्सला महिन्याला १३०० कोटी रुपयांचे नुकसान होण्याची शक्यता आहे. युरोप खंडात युरो-झोन म्हणून ओळखल्या जाणाऱ्या देशांमध्ये फ्रान्सची अर्थव्यवस्था ही दुसऱ्या क्रमांकाची अर्थव्यवस्था मानली जाते.
फ्रान्समध्ये लसीकरणाची मोहीम मंद गतीने सुरू असून आतापर्यंत केवळ १२ टक्के नागरिकांनाच लस देण्यात आली आहे.