फ्रान्सचा 'आयएस'ला धक्का; ग्रेटर सहारा भागाचा म्होरक्या कारवाईत ठार

पॅरिस: इस्लामिक स्टेटचा दहशतवादी अदनान अबू वालिद अल-सहरावी याचा खात्मा केला असल्याचा दावा फ्रान्सने केला आहे. फ्रान्सचे राष्ट्रपती इमॅन्यूअल मॅक्रॉन यांनी बुधवारी हा दावा केला. मॅक्रॉन यांनी एका ट्विटद्वारे ही माहिती दिली. सहरावी हा ग्रेटर सहारा भागातील आयएसचा म्होरक्या होत्या. मात्र ही कारवाई कुठे केली, याबाबत फ्रान्सने माहिती दिली नाही.

ग्रेटर सहारा भागातील माली, नायजर आणि बुर्कीना फासो या भागातील दहशतवादी हल्ल्यासाठी इस्लामिक स्टेट जबाबदार असल्याचे म्हटले जाते. ट्राय-बॉर्डन भागात इस्लामिक स्टेटसह अल कायदाशी संबंधित असलेल्या 'जीएसआयएम' या दहशतवादी संघटनेकडूनही दहशतवादी कारवाया सुरू असतात.

अमेरिका भारतात लष्करी तळ उभारणार?; परराष्ट्र मंत्री ब्लिंकन यांचे संकेत


फ्रान्सचे राष्ट्रपती मॅक्रॉन यांनी म्हटले की, दहशतवादी संघटनांविरोधात सुरू असलेल्या कारवाईत हे मोठे यश आहे. सहरावी हा पश्चिम आफ्रिका भागातील साहेल भागातील इस्लामिक स्टेटचा नेता होता. ऑगस्ट २०२० मध्ये सहरावी याने स्वत: फ्रान्सच्या सहा धर्मदाय कार्य करणाऱ्या स्वयंसेवकांची हत्येचे आदेश दिले होते. त्यांच्या नायजेरियन वंशाच्या वाहन चालकाचीही हत्या केली होती.

तालिबानला मदत करणे पाकिस्तानला महागात पडणार?; अमेरिकेने म्हटले...
याआधी फ्रान्सचे राष्ट्रपती मॅक्रॉन यांनी सालेहमधील लष्कराचे स्वरुप बदलणार असल्याचे जुलै महिन्यात म्हटले होते. त्याशिवाय या भागातील सैन्याची कुमक कमी करण्याचेही नियोजन आखण्यात आले आहे.