अ‍ॅपशहर

आमच्या पाठीत खंजीर खुपसला; अमेरिका-ऑस्ट्रेलियावर फ्रान्स संतप्त

अमेरिका, ऑस्ट्रेलिया आणि ब्रिटन या देशांनी एकत्र येत 'ऑकस' या गटाची स्थापना केली आहे. या गटाच्या स्थापनेनंतर फ्रान्स नाराज झाला असून अमेरिका, ऑस्ट्रेलियाने आमच्या पाठीत खंजीर खुपसला असल्याचे त्यांनी सांगितले.

महाराष्ट्र टाइम्स.कॉम 17 Sep 2021, 12:48 pm
पॅरिस: अमेरिका आणि ऑस्ट्रेलियावर फ्रान्स संतप्त झाला आहे. अमेरिका, ऑस्ट्रेलिया आणि ब्रिटन यांनी एकत्र येत 'ऑकस' या गटाची स्थापना केली. त्यानंतर फ्रान्सने आपली नाराजी व्यक्त करत वॉशिंग्टनमधील दूतावासात होणारा कार्यक्रम रद्द केला आहे. अमेरिका-ऑस्ट्रेलियाने आमच्या पाठीत खंजीर खुपसला असल्याची प्रतिक्रिया फ्रान्सने व्यक्त केली आहे.
महाराष्ट्र टाइम्स.कॉम france-aus
आमच्या पाठीत खंजीर खुपसला; अमेरिका-ऑस्ट्रेलियावर फ्रान्स संतप्त


अमेरिकेचे अध्यक्ष जो बायडन, ब्रिटनचे पंतप्रधान बोरिस जॉन्सन आणि ऑस्ट्रेलियाचे स्कॉट मॉरिसन यांनी ऑनलाइन संयुक्त टीव्ही संदेशात याबाबतची घोषणा केली. सुरक्षा आणि संरक्षणविषयक ज्ञान, तंत्रज्ञान, औद्योगिक क्षमता आणि पुरवठा साखळी यांची क्षमतावृद्धी आणि या क्षेत्रांत सहकार्य वाढविणे हा या गटाच्या स्थापनेमागील हेतू आहे, असे या वेळी जाहीर करण्यात आले. या गटाच्या घोषणेसाठी मॉरिसन ब्रिटनच्या पंतप्रधानांचे कार्यालय असलेल्या १० डाउनिंग स्ट्रीट येथे उपस्थित होते.

चीनला पॅसिफिक महासागरात रोखणार!; तीन देशांनी स्थापन केला ‘ऑकस’

उत्तर कोरियाने रेल्वेतून डागले क्षेपणास्त्र; कोरियन देशांमध्ये तणाव

फ्रान्स का झाला नाराज?

या नव्या गटाच्या घोषणेनुसार, ऑस्ट्रेलियाला अण्वस्त्र पाणबुडींसाठी अमेरिका आणि ब्रिटनकडून तांत्रिक मदत मिळणार आहे. त्यामुळे फ्रान्स आणि ऑस्ट्रेलियात पाणबुडींच्या खरेदीसाठी होणारा संभाव्य करार संपुष्टात आला आहे. फ्रान्सची ऑस्ट्रेलियासोबत पारंपरिक पाणबुडी विक्री करण्यासाठी ९० अब्ज डॉलरच्या करारावर चर्चा सुरू होती. फ्रान्स आणि ऑस्ट्रेलियामध्ये २०१६ मध्ये पाणबुडींच्या खरेदीबाबत सहमती झाली होती. तर, सन २०१९ मध्ये दोन्ही देशांमध्ये सामजंस्य करारावर स्वाक्षरी करण्यात आली होती.

ट्रम्प चीनविरोधात युद्ध पुकारणार होते?; लष्कर प्रमुखांनी साधला होता चीनशी संपर्क!
फ्रान्सचे परराष्ट्र मंत्री जीन-यवेस ले ड्रियन यांनी म्हटले की, फ्रान्ससारख्या युरोपीय सहकारी आणि भागीदाराला यामधून वगळण्याचा अमेरिकेचा निर्णय खेदजनक आहे. ऑस्ट्रेलियाने आमच्यासोबतचाही करार रद्द केला आहे. ऑस्ट्रेलियाने उचलले हे पाऊल म्हणजे पाठीत खंजीर खुपसण्यासारखे आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज