पाकिस्तानात गणशोत्सवाला उत्साहात सुरूवात

मटा ऑनलाइन वृत्त। कराची

पाकिस्तानमधील कराची शहरात दरवर्षीप्रमाणे यंदाही गणेशोत्सव मोठ्या उत्साहात साजरा करण्यात येतोय. गणेश चतुर्थीच्या दिवशी कराचीत विविध मंदिरांमध्ये गणरायाचे मोठ्या उत्साहात स्वागत करण्यात आले. दरवर्षीप्रमाणे कराचीत मोठ्या भक्तीभावाने गणपतीची प्रतिष्ठापना करून पूजा करण्यात आली. यावेळी गणपती बाप्पाला मोतीचूरचे लाडू आणि शिऱ्याचा प्रसाद चढवला गेला.

कराचीमधील क्लिफ्टन येथील श्री रत्नेश्वर महादेव मंदिरात देखील यावेळी हिंदू भाविकांनी मोठी गर्दी केली होती. इथेही गणेशोत्सवाचा मोठा उत्साह पाहायला मिळाला.



कराचीमधील गणेश मठ मंदिरातील गणेश चतुर्थीनिमित्त करण्यात आलेली सुंदर सजावट भाविकांचे लक्ष्य वेधून घेत होती. या मंदिरात अतिशय शांततेत गणेशोत्सव साजरा करण्यात आला.



यंदा गणोशोत्सवात कराचीत गणरायाच्या मोठ-मोठ्या मूर्तीही दिसून आल्या. यंदा कराचीमधील श्री स्वामी नारायण मंदिरात गणपती बाप्पा मोरया, मंगलमूर्ती मोरयाचा गजर दुमदुमला. या मंदिरात मोठ्या संख्यने हिंदू भाविकांनी गर्दी केली होती.



कराची शहरातील श्री स्वामी नारायण मंदिरातील गणेशोत्सवात हिंदू भाविकांनी उत्साहात नृत्य करत वेगळीच रंगत आणली.