समलिंगी विवाहांना जर्मनीत मान्यता

बर्लिन: जर्मनीत शुक्रवारी देशातील समलिंगी जोडप्यांच्या विवाह करण्याच्या हक्काला घटनात्मक मान्यता देण्यात आली. ख्रिश्चन धर्मातील रुढी-परंपरांशी फारकत घेऊन उचलण्या आलेले हे मोठे पाऊल मानण्यात येत आहे.

समलिंगी विवाहांना मान्यता देण्याकरिता देशाच्या नागरी कायद्यात सुधारणा करण्यासाठी जर्मनीच्या संसदेत शुक्रवारी मतदान घेण्यात आले. या वेळी ३९३ विरुद्ध २२६ मतांनी ही सुधारणा मंजूर करण्यात आली. विशेष म्हणजे जर्मनीच्या चान्सेलर अँजला मॉर्केल यांनी या सुधारणेच्या विरोधात मत दिले होते. जर्मनीतील समलैंगिक संघटनेचे प्रवक्ते आणि ग्रीन पार्टीचे संसद सदस्य वोल्कर बेक यांनी या सुधारणेबाबत समाधान व्यक्त केले आहे.