सीनिअर बुश यांच्यावर गुरुवारी अंत्यसंस्कार

ह्युस्टन :

अमेरिकेचे ४१वे अध्यक्ष जॉर्ज एच. डब्ल्यू. बुश यांना बुधवारी नॅशनल कॅथेड्रलमध्ये अंत्यसंस्कारासंबंधी राजकीय सन्मान प्रदान केला जाईल. त्यानंतर गुरुवारी टेक्सास येथे त्यांच्यावर अंत्यसंस्कार केले जातील. ९४ वर्षीय सीनिअर बुश यांचे शुक्रवारी निधन झाले होते.

सीनिअर बुश यांच्या निधनाच्या पार्श्वभूमीवर अध्यक्ष डोनाल्ड ट्रम्प यांनी बुधवारी राष्ट्रीय दुखवट्याची घोषणा केली आहे. एअर फोर्स वन विमानातून बुश यांचे पार्थिव वॉशिंग्टन डीसीला आणून अंत्यदर्शनासाठी ठेवले जाणार आहे. सीनिअर बुश यांच्या कार्यालयाने टेक्सासच्या ह्युस्टन, वॉशिंग्टन डीसी आणि स्प्रिंग एंड कॉलेज स्टेशन येथील अंत्यसंस्कारासंबंधी विविध सरकारी कार्यक्रम आणि रिवाजांचा तपशील जाहीर केला आहे.