वृत्तसंस्था, हैदराबाद
अमेरिकेत वंशद्वेशातून झालेल्या श्रीनिवास कुचिभोटला (३२) या भारतीय इंजिनीअरच्या हत्येबद्दल अमेरिकेच्या व्हाइट हाऊसने चिंता व्यक्त केली आहे. ‘अमेरिकेच्या स्थापनेपासूनच नागरिकांच्या धार्मिक हक्कांच्या संरक्षणासाठी आम्ही कटिबद्ध आहोत. अमेरिकेतील कोणालाही आपल्या धर्माचे खुलेपणाने पालन करताना भीती वाटता कामा नये. अमेरिकेचे अध्यक्ष आमच्या राष्ट्राच्या संस्थापक तत्त्वांच्या रक्षणासाठी कटिबद्ध आहेत,’ असे व्हाइट हाऊसचे प्रवक्ते सीन स्पाइसर यांनी पत्रकारांसोबत दैनंदिन वार्तालापात स्पष्ट केले.
श्रीनिवास कुचिभोटला हे अमेरिकेतील कॅन्सस शहरात गर्मिन कंपनीच्या मुख्यालयात काम करत होते. बुधवारी ‘माझ्या देशातून परत जा’ असा आरडाओरडा करत इयन ग्रिलोट नामक व्यक्तीने त्यांच्यावर गोळ्या झाडल्या होत्या. या हल्ल्यात त्यांचा सहकारी आलोक मदासनी याच्यासह अन्य एक अमेरिकन जखमी झाला होता.
ट्रम्प, तोंड उघडा : हिलरी क्लिंटन
ह्यूस्टन ः ट्रम्प यांनी कॅन्सस येथील घटनेबाबत आता तरी तोंड उघडावे, अशी मागणी अमेरिकेच्या माजी परराष्ट्रमंत्री हिलरी क्लिंटन यांनी केली आहे. ‘धमक्या, वांशिक गुन्हे वाढीत असताना, अमेरिकेच्या अध्यक्षांना त्यांच्या जबाबदारीची आठवण करून द्यायची गरज लागू नये. त्यांनी आता तरी तोंड उघडावे,’ असे क्लिंटन यांनी ट्विटरवर सुनावले.
‘न्यूयॉर्क टाइम्स’ने ट्रम्पना सुनावले
वांशिक हल्ल्याबद्दल अमेरिकेचे अध्यक्ष डोनाल्ड ट्रम्प यांनी अद्याप मौन बाळगल्याबद्दल ‘न्यूयॉर्क टाइम्स’ या आघाडीच्या दैनिकाने त्यांना धारेवर धरले. ‘ट्रम्प यांनी अमेरिकेत वांशिक गुन्ह्यांना उत्तेजन दिले आहे. कॅन्ससमधील घटनेनंतर त्यांचे मौन हे देशाच्या सामर्थ्याला धोका निर्माण करेल,’ असा इशारा न्यूयॉर्क टाइम्सने ‘हू बिलाँग्ज टु ट्रम्प्स अमेरिका?’ या अग्रलेखात दिला आहे.
शोकाकुल वातावरणात अंत्यसंस्कार
श्रीनिवास यांच्या पार्थिवावर मंगळवारी हैदराबादमध्ये शोकाकुल वातावरणात अंत्यसंस्कार करण्यात आले. सोमवारी रात्री उशिरा श्रीनिवास याचे पार्थिव अमेरिकेहून विमानाने हैदराबादेतील त्याच्या पालकांच्या घरी आणण्यात आले. मंगळवारी दुपारी ज्युबिली हिल्स येथील स्मशानभूमीत श्रीनिवास यांचे वडील मधुसूदन राव यांनी त्यांना अग्नी दिला. यावेळी उपस्थितांपैकी काहींनी श्रीनिवास यांच्या स्मरणार्थ तसेच अमेरिकन प्रशासनाच्या विरोधात घोषणाही दिल्या. श्रीनिवास यांची पत्नी सुनयना व आप्तांना यावेळी शोक अनावर झाला. केंद्रीय मंत्री बंडारू दत्तात्रय यांच्यासह अनेक नेतेही अंत्यसंस्काराला हजर होते.
अमेरिकेत वंशद्वेशातून झालेल्या श्रीनिवास कुचिभोटला (३२) या भारतीय इंजिनीअरच्या हत्येबद्दल अमेरिकेच्या व्हाइट हाऊसने चिंता व्यक्त केली आहे. ‘अमेरिकेच्या स्थापनेपासूनच नागरिकांच्या धार्मिक हक्कांच्या संरक्षणासाठी आम्ही कटिबद्ध आहोत. अमेरिकेतील कोणालाही आपल्या धर्माचे खुलेपणाने पालन करताना भीती वाटता कामा नये. अमेरिकेचे अध्यक्ष आमच्या राष्ट्राच्या संस्थापक तत्त्वांच्या रक्षणासाठी कटिबद्ध आहेत,’ असे व्हाइट हाऊसचे प्रवक्ते सीन स्पाइसर यांनी पत्रकारांसोबत दैनंदिन वार्तालापात स्पष्ट केले.
श्रीनिवास कुचिभोटला हे अमेरिकेतील कॅन्सस शहरात गर्मिन कंपनीच्या मुख्यालयात काम करत होते. बुधवारी ‘माझ्या देशातून परत जा’ असा आरडाओरडा करत इयन ग्रिलोट नामक व्यक्तीने त्यांच्यावर गोळ्या झाडल्या होत्या. या हल्ल्यात त्यांचा सहकारी आलोक मदासनी याच्यासह अन्य एक अमेरिकन जखमी झाला होता.
ट्रम्प, तोंड उघडा : हिलरी क्लिंटन
ह्यूस्टन ः ट्रम्प यांनी कॅन्सस येथील घटनेबाबत आता तरी तोंड उघडावे, अशी मागणी अमेरिकेच्या माजी परराष्ट्रमंत्री हिलरी क्लिंटन यांनी केली आहे. ‘धमक्या, वांशिक गुन्हे वाढीत असताना, अमेरिकेच्या अध्यक्षांना त्यांच्या जबाबदारीची आठवण करून द्यायची गरज लागू नये. त्यांनी आता तरी तोंड उघडावे,’ असे क्लिंटन यांनी ट्विटरवर सुनावले.
‘न्यूयॉर्क टाइम्स’ने ट्रम्पना सुनावले
वांशिक हल्ल्याबद्दल अमेरिकेचे अध्यक्ष डोनाल्ड ट्रम्प यांनी अद्याप मौन बाळगल्याबद्दल ‘न्यूयॉर्क टाइम्स’ या आघाडीच्या दैनिकाने त्यांना धारेवर धरले. ‘ट्रम्प यांनी अमेरिकेत वांशिक गुन्ह्यांना उत्तेजन दिले आहे. कॅन्ससमधील घटनेनंतर त्यांचे मौन हे देशाच्या सामर्थ्याला धोका निर्माण करेल,’ असा इशारा न्यूयॉर्क टाइम्सने ‘हू बिलाँग्ज टु ट्रम्प्स अमेरिका?’ या अग्रलेखात दिला आहे.
शोकाकुल वातावरणात अंत्यसंस्कार
श्रीनिवास यांच्या पार्थिवावर मंगळवारी हैदराबादमध्ये शोकाकुल वातावरणात अंत्यसंस्कार करण्यात आले. सोमवारी रात्री उशिरा श्रीनिवास याचे पार्थिव अमेरिकेहून विमानाने हैदराबादेतील त्याच्या पालकांच्या घरी आणण्यात आले. मंगळवारी दुपारी ज्युबिली हिल्स येथील स्मशानभूमीत श्रीनिवास यांचे वडील मधुसूदन राव यांनी त्यांना अग्नी दिला. यावेळी उपस्थितांपैकी काहींनी श्रीनिवास यांच्या स्मरणार्थ तसेच अमेरिकन प्रशासनाच्या विरोधात घोषणाही दिल्या. श्रीनिवास यांची पत्नी सुनयना व आप्तांना यावेळी शोक अनावर झाला. केंद्रीय मंत्री बंडारू दत्तात्रय यांच्यासह अनेक नेतेही अंत्यसंस्काराला हजर होते.