गोल्डन ग्लोब पुरस्कार सोहळा; ट्रम्प निशाण्यावर

मटा ऑनलाइन वृत्त । लॉस एंजिलिस

लॉस एंजिलिसमध्ये पार पडलेल्या गोल्डन ग्लोब पुरस्कार सोहळ्यात अमेरिकेचे नव निर्वाचित राष्ट्राध्यक्ष डोनाल्ड ट्रम्प यांच्या स्थानिक आणि बाहेरचे लोकांविषयीच्या भूमिकेवर जोरदार टीका करण्यात आली. हॉलिवूड ही अमेरिका बाहेरच्या कलाकारांची देण आहे. त्यांच्यामुळेच हॉलिवूड टिकून आहे. हे लोक बाहेर पडले तर हॉलिवूडचे अस्तित्व काय? अशा शब्दात हॉलिवूडची प्रसिद्ध अभिनेत्री मेरिल स्ट्रीप यांनी ट्रम्प यांच्यावर निशाना साधाला आहे.

मेरिल स्ट्रीप यांना गोल्डन ग्लोब पुरस्कार सोहळ्यात प्रतिष्ठेच्या 'सेसिल बी. डिमाईल' पुरस्काराने सन्मानित करण्यात आलं. यावेळी त्यांनी लिहुन आणलेलं भाषण वाचून दाखवलं. या वर्षाच्या सुरुवातीला मी आवाज आणि मन स्वास्थ हरवून बसले आहे, असं सांगत ती म्हणाली, आपण सर्व कोण आहोत? हॉलिवूड काय आहे? बाहेरून आलेल्यांची जागा म्हणजे हॉलिवूड आहे. मी स्वत: न्यू जर्सीला शिकले, वाढले. सारा पॉलसन, सारा जेसिका पार्कल, एमी एडम्स, नताली पोर्टमन, रुथ नेगा, वायोला डेव्हिस, देव पटेल आणि रेयान रेनॉल्डस वेगवेगळ्या देशात जन्मलेले आहेत.

या सर्वांचे जन्म दाखले कुठे आहेत? हॉलिवूड बाहेरच्या आणि विदेशी लोकांनी भरलेले आहे. जर तुम्ही आम्हा सर्वांना हाकलून देणार असाल तर फुटबॉल आणि मिक्सड मार्शल आर्ट शिवाय इथे काय राहिल? विशेष म्हणजे या दोन्ही कला नाहीत, असं सांगतानाच यंदा ट्रम्प यांची उपस्थितीच सर्वात वेगळी असल्याचा टोलाही मेरिलने लगावला.