अॅपलच्या यंत्रणेत शाळकरी हॅकरची घुसखोरी
अॅपल या तंत्रज्ञान क्षेत्रातील आघाडीच्या अमेरिकन कंपनीमध्ये काम करण्यास उत्सुक असलेल्या ऑस्ट्रेलियातील एका शाळकरी मुलाने अॅपलच्या कम्प्युटर यंत्रणेत हॅकिंगद्वारे घुसखोरी केल्याची घटना उघडकीस आली आहे. मात्र यामध्ये ग्राहकांच्या डेटाला कोणत्याही प्रकारे धक्का लागलेला नसून हा डेटा सुरक्षित असल्याची ग्वाही कंपनीने दिली आहे.
Maharashtra Times 18 Aug 2018, 5:30 am
ऑस्ट्रेलियातील न्यायालयात खटला सुरू
वृत्तसंस्था, सिडनी
अॅपल या तंत्रज्ञान क्षेत्रातील आघाडीच्या अमेरिकन कंपनीमध्ये काम करण्यास उत्सुक असलेल्या ऑस्ट्रेलियातील एका शाळकरी मुलाने अॅपलच्या कम्प्युटर यंत्रणेत हॅकिंगद्वारे घुसखोरी केल्याची घटना उघडकीस आली आहे. मात्र यामध्ये ग्राहकांच्या डेटाला कोणत्याही प्रकारे धक्का लागलेला नसून हा डेटा सुरक्षित असल्याची ग्वाही कंपनीने दिली आहे.
अवघ्या १६ वर्षांच्या या हॅकरविरोधात व्हिक्टोरिया येथील बाल न्यायालयात खटला सुरू आहे. या किशोरवयीन मुलाने मेलबॉर्न शहराच्या उपनगरातील आपल्या घरातूनच अॅपलच्या मेनफ्रेम या अवाढव्य आणि शक्तिशाली डेटा प्रोसेसिंग यंत्रणेत घुसखोरी केली आणि सुरक्षित फायलींमधील ९० जीबी डेटा डाऊनलोड केला, अशी माहिती न्यायालयापुढे देण्यात आली. ऑस्ट्रेलियातील 'द एज' या वृत्तपत्राने हे वृत्त दिले आहे. हे प्रकरण उघडकीस आल्यावर एफबीआय आणि ऑस्ट्रेलियन पोलिसांनी या प्रकारणी आंतरराष्ट्रीय पातळीवर तपासाला सुरुवात केली आहे.
अॅपलचा चाहता असलेल्या या मुलाचे या कंपनीत काम करण्याचे स्वप्न होते. त्यामुळे गेल्या वर्षभरात अनेक वेळा त्याने अॅपलच्या यंत्रणेत घुसखोरी केली. ऑस्ट्रेलियन पोलिसांनी गेल्या वर्षी या मुलाच्या घरी छापा टाकून हॅकिंगविषयीच्या सूचना आणि फाइल हस्तगत केल्या होत्या. हे सर्व साहित्य 'हॅकी हॅक हॅक' या फोल्डरमध्ये सेव्ह करून ठेवण्यात आले होते. अॅपल कंपनीचे दोन लॅपटॉपही जप्त करण्यात आले असून या लॅपटॉपचे अनुक्रमांक कंपनीच्या यंत्रणेत बेकायदा घुसखोरी करणाऱ्या उपकरणांच्या अनुक्रमांकाशी जुळल्याची माहिती वकिलांनी न्यायालयापुढे दिली. याशिवाय एक मोबाइल आणि हार्ड ड्राइव्हही जप्त करण्यात आली.
या शाळकरी हॅकरने आपला गुन्हा कबूल केला असून पुढील महिन्यात त्याला शिक्षा सुनावली जाण्याची शक्यता आहे.
ग्राहकांचा डेटा सुरक्षित
हॅकिंगचा प्रकार उघड झाल्यानंतर अॅपलने याबाबत निवेदन प्रसिद्ध केले आहे. 'यंत्रणेत बेकायदा घुसखोरी करण्यात आल्याची बाब कंपनीच्या पथकांच्या निदर्शनास आली असून याबाबत पोलिसांकडे तक्रार करण्यात आली आहे. मात्र या प्रक्रियेत ग्राहकांच्या वैयक्तिक डेटाला कोणत्याही प्रकारे धक्का लागलेला नाही,' अशी ग्वाही अॅपलने दिली आहे. एक आठवड्यापूर्वीच एक लाख कोटी बाजारमूल्याचा टप्पा गाठणारी अॅपल ही पहिली खासगी कंपनी ठरली होती.
वृत्तसंस्था, सिडनी
अॅपल या तंत्रज्ञान क्षेत्रातील आघाडीच्या अमेरिकन कंपनीमध्ये काम करण्यास उत्सुक असलेल्या ऑस्ट्रेलियातील एका शाळकरी मुलाने अॅपलच्या कम्प्युटर यंत्रणेत हॅकिंगद्वारे घुसखोरी केल्याची घटना उघडकीस आली आहे. मात्र यामध्ये ग्राहकांच्या डेटाला कोणत्याही प्रकारे धक्का लागलेला नसून हा डेटा सुरक्षित असल्याची ग्वाही कंपनीने दिली आहे.
अवघ्या १६ वर्षांच्या या हॅकरविरोधात व्हिक्टोरिया येथील बाल न्यायालयात खटला सुरू आहे. या किशोरवयीन मुलाने मेलबॉर्न शहराच्या उपनगरातील आपल्या घरातूनच अॅपलच्या मेनफ्रेम या अवाढव्य आणि शक्तिशाली डेटा प्रोसेसिंग यंत्रणेत घुसखोरी केली आणि सुरक्षित फायलींमधील ९० जीबी डेटा डाऊनलोड केला, अशी माहिती न्यायालयापुढे देण्यात आली. ऑस्ट्रेलियातील 'द एज' या वृत्तपत्राने हे वृत्त दिले आहे. हे प्रकरण उघडकीस आल्यावर एफबीआय आणि ऑस्ट्रेलियन पोलिसांनी या प्रकारणी आंतरराष्ट्रीय पातळीवर तपासाला सुरुवात केली आहे.
अॅपलचा चाहता असलेल्या या मुलाचे या कंपनीत काम करण्याचे स्वप्न होते. त्यामुळे गेल्या वर्षभरात अनेक वेळा त्याने अॅपलच्या यंत्रणेत घुसखोरी केली. ऑस्ट्रेलियन पोलिसांनी गेल्या वर्षी या मुलाच्या घरी छापा टाकून हॅकिंगविषयीच्या सूचना आणि फाइल हस्तगत केल्या होत्या. हे सर्व साहित्य 'हॅकी हॅक हॅक' या फोल्डरमध्ये सेव्ह करून ठेवण्यात आले होते. अॅपल कंपनीचे दोन लॅपटॉपही जप्त करण्यात आले असून या लॅपटॉपचे अनुक्रमांक कंपनीच्या यंत्रणेत बेकायदा घुसखोरी करणाऱ्या उपकरणांच्या अनुक्रमांकाशी जुळल्याची माहिती वकिलांनी न्यायालयापुढे दिली. याशिवाय एक मोबाइल आणि हार्ड ड्राइव्हही जप्त करण्यात आली.
या शाळकरी हॅकरने आपला गुन्हा कबूल केला असून पुढील महिन्यात त्याला शिक्षा सुनावली जाण्याची शक्यता आहे.
ग्राहकांचा डेटा सुरक्षित
हॅकिंगचा प्रकार उघड झाल्यानंतर अॅपलने याबाबत निवेदन प्रसिद्ध केले आहे. 'यंत्रणेत बेकायदा घुसखोरी करण्यात आल्याची बाब कंपनीच्या पथकांच्या निदर्शनास आली असून याबाबत पोलिसांकडे तक्रार करण्यात आली आहे. मात्र या प्रक्रियेत ग्राहकांच्या वैयक्तिक डेटाला कोणत्याही प्रकारे धक्का लागलेला नाही,' अशी ग्वाही अॅपलने दिली आहे. एक आठवड्यापूर्वीच एक लाख कोटी बाजारमूल्याचा टप्पा गाठणारी अॅपल ही पहिली खासगी कंपनी ठरली होती.