हिंदू विवाह कायद्याला पाकिस्तानात मंजुरी

इस्लामाबाद : पाकिस्तानात गेल्या अनेक वर्षांपासून प्रलंब‌ति असलेला ह‌िंदू विवाह कायदा २०१७ला वरिष्ठ सभागृहाने (सिनेट) एकमताने मंजुरी दिली. पुढील आठवड्यामध्ये राष्ट्रपतींनी स्वाक्षरी केल्यानंतर हा कायदा अस्तित्वात येणार आहे. हा कायदा ऐतिहासिक असून यामुळे हिंदूंना विवाहाची नोंदणी करता येणार आहे. या कायद्यामुळे येथील हिंदू महिलांना लग्नाचा अधिकृत पुरावा मिळणार आहे.

पंजाब, बलुचिस्तान, खैबर पुख्तूनवाला या भागांमध्ये हा कायदा लागू होणार आहे. पाकिस्तानातील सिंध प्रांतामध्ये हिंदू विवाह कायदा याआधीच अस्तित्वात आहे. कायदामंत्री झाहिद हामीद यांनी हा कायदा सिनेटमध्ये मांडला होता.