'या' आजारासाठी तयार झाले होते रेमडेसिवीर
'रेमडेसिवीर'ला Gilead Sciences ने इबोलावर औषध म्हणून विकसित करण्यात आले होते. मात्र, रेमडेसिविरवर हे अन्य काही विषाणूंवर प्रभावी ठरू शकते. रेमडेसिविर हे शरिरात करोना विषाणूची संख्या वाढवणाऱ्या एन्जाइमलाच अटकाव करते. त्यामुळे विषाणू शरिरात फैलावत नाही. एका संशोधनात आढळले की, रेमडेसिवीरने SARS आणि MERS विषाणूंना अटकाव केला आहे. मागील वर्षी अमेरिकेचे तत्कालीन राष्ट्राध्यक्ष डोनाल्ड ट्रम्प यांना करोनाची बाधा झाली होती. त्यावेळी त्यांच्यावर उपचार सुरू असताना हेच औषध देण्यात आले. अमेरिकेच्या वॉशिंग्टनमधील एका महिलेने करोनाबाधित पतीला रेमडेसिवीर दिल्यानंतर त्यांच्या प्रकृतीत सुधारणा झाली आणि घरी परतले असल्याचाही अनुभव सांगितला.
WHO ने 'रेमडेसिवीर'ला वगळले
मात्र, जागतिक आरोग्य संघटनेचे 'रेमडेसिवीर'बाबत काहीसं वेगळं मत आहे. एका क्लिनिकल चाचणीतील डेटानुसार हे औषध फारसं प्रभावी ठरले नाही. जागतिक आरोग्य संघटनेच्या Solidarity Trial ने सांगितले की पाच हजार जणांवर करण्यात आलेल्या आंतरराष्ट्रीय अभ्यासानुसार, करोनाची बाधा झाल्यानंतर रुग्णालयात दाखल करण्यात आलेल्या रुग्णांवर रेमडेसिवीरचा फारसा परिणाम झाला नाही. या निष्कर्षासाठी मृत्यूदर, व्हेंटेलेशनची आवश्यकता आणि रुग्णालयात दाखल राहण्याची वेळ आदी निकष पाहण्यात आले होते. त्यानंतर जागतिक आरोग्य संघटनेने रुग्णांना देण्यात येणाऱ्या औषधांच्या यादीतून रेमडेसिवीरला वगळले. शिकागो विद्यापीठ आणि टेक्सास विद्यापीठाने केलेल्या संशोधनानुसार रेमडेसिवीरमुळे काही दिवसांसाठी विषाणूंचे रेप्लिकेशन थांबवले जात असल्याचे म्हटले जाते.
रेमडेसिवीर मिळत नसल्यास त्रास करून घेऊ नका
इंडियन कौन्सिल ऑफ मेडिकल रिसर्चने (ICMR) मागील वर्षी जारी केलेल्या मार्गदर्शक तत्वांनुसार, रेमडेसिवीर औषधाचा परिणाम सुरुवातीच्या १० दिवसांमध्ये दिसून येतो. याला 'स्टँडर्ड केअर' म्हणून पाहता येणार नाही. महाराष्ट्राच्या कोविड टास्क फोर्सचे सदस्य डॉ. शशांक जोशी यांनी सांगितले की, रेमडेसिवीर औषध खरेदी करण्यासाठी लोकांनी त्रास करून घेता कामा नये. बाधितांवर रेमडेसिवीर औषधाचा वापर केल्यानंतर रुग्णालयातील खाटा रिकाम्या करून गंभीर आजारी असलेल्या रुग्णांना दाखल करता यावे यासाठीदेखील रुग्णालयाचा प्रयत्न असू शकतो, अशीही चर्चा सुरू आहे.
काळाबाजार आणि वाढत्या किंमती
रेमडेसिवीर औषधांच्या वाढत्या किंमती आणि काळ्या बाजारामुळे विविध राज्य सरकार आणि केंद्र सरकारसमोर अडचणी निर्माण झाल्या आहेत. Zydus चे इंजेक्शन ८९९ रुपयांना मिळत असून पाच दिवसांच्या कोर्ससाठी ४५०० रुपये खर्च करावे लागत आहे. वाढत्या मागणीमुळे काळाबाजारही सुरू आहे. महाराष्ट्र सरकारने रेमडेसिवीरची किंमत ही ११०० ते १४०० च्या घरात ठेवली आहे.
Video-रेमडेसिविरची तातडीने हवी तेवढी निर्मिती का होऊ शकत नाही?
| MSID |