वृत्तसंस्था, वॉशिंग्टन
अमेरिका आणि चीन यांच्यातील व्यापार संघर्ष वाढतच असून हुआवेई या चीनी कंपनीला अमेरिकेने काळ्या यादीत टाकले आहे. राष्ट्रीय सुरक्षेला धोका निर्माण होऊ शकतो, असे कारण देत विदेशी कंपन्यांनी बनविलेली टेलिकॉम उपकरणे वापरण्यास अमेरिकेचे अध्यक्ष डोनाल्ड ट्रम्प यांनी अमेरिकी कंपन्यांना मनाई केली आहे.
ट्रम्प यांनी एक कार्यकारी आदेश जारी केला असून त्यात कोणत्याही कंपनीचे किंवा देशाचे थेट नाव नाही. मात्र याआधी ट्रम्प प्रशासनातील अधिकाऱ्यांनी हुआवेई कंपनीकडून धोका असल्याचे नमूद करीत जगातील सर्वात मोठी दूरसंचार पुरवठादार असलेल्या या कंपनीकडून ५जी नेटवर्कसाठी उपकरणे खरेदी करू नयेत, असे अमेरिकी कंपन्यांना सांगितले होते. या पार्श्वभूमीवर ताज्या आदेशामुळे हुआवेई कंपनीला अमेरिकी सरकारच्या परवान्याशिवाय अमेरिकी तंत्रज्ञान विकत घेता येणार नाही.
दरम्यान, अमेरिकेने या आदेशाची अंमलबजावणी करू नये. तसे झाल्यास ती खूप मोठी चूक ठरेल, असा इशारा चीनच्या वाणिज्य मंत्रालयाच्या प्रवक्त्याने गुरुवारी अमेरिकेला दिला आहे.
अमेरिका आणि चीन यांच्यातील व्यापार संघर्ष वाढतच असून हुआवेई या चीनी कंपनीला अमेरिकेने काळ्या यादीत टाकले आहे. राष्ट्रीय सुरक्षेला धोका निर्माण होऊ शकतो, असे कारण देत विदेशी कंपन्यांनी बनविलेली टेलिकॉम उपकरणे वापरण्यास अमेरिकेचे अध्यक्ष डोनाल्ड ट्रम्प यांनी अमेरिकी कंपन्यांना मनाई केली आहे.
ट्रम्प यांनी एक कार्यकारी आदेश जारी केला असून त्यात कोणत्याही कंपनीचे किंवा देशाचे थेट नाव नाही. मात्र याआधी ट्रम्प प्रशासनातील अधिकाऱ्यांनी हुआवेई कंपनीकडून धोका असल्याचे नमूद करीत जगातील सर्वात मोठी दूरसंचार पुरवठादार असलेल्या या कंपनीकडून ५जी नेटवर्कसाठी उपकरणे खरेदी करू नयेत, असे अमेरिकी कंपन्यांना सांगितले होते. या पार्श्वभूमीवर ताज्या आदेशामुळे हुआवेई कंपनीला अमेरिकी सरकारच्या परवान्याशिवाय अमेरिकी तंत्रज्ञान विकत घेता येणार नाही.
दरम्यान, अमेरिकेने या आदेशाची अंमलबजावणी करू नये. तसे झाल्यास ती खूप मोठी चूक ठरेल, असा इशारा चीनच्या वाणिज्य मंत्रालयाच्या प्रवक्त्याने गुरुवारी अमेरिकेला दिला आहे.