पत्नीला ब्युटी पार्लरमध्ये पाहताच तळपायाची आग मस्तकात गेली, पतीने भर रस्त्यात दिली भयंकर शिक्षा

तुर्कमेनिस्तान : देशात गुन्ह्यांच्या घटनांमध्ये मोठ्या प्रमाणात वाढ होत असताना आता आणखी एक धक्कादायक प्रकार समोर आला आहे. पत्नीला ब्युटी पार्लरमध्ये पाहिल्यानंतर पतीला भयंकर राग आला. यानंतर त्याने असं काही केलं की संपूर्ण परिसरात यामुळे खळबळ उडाली आहे.

मिळालेल्या माहितीनुसार, पत्नीला ब्युटी पार्लरमध्ये पाहून पती इतका संतापला की, त्याने सर्वांसमोर पत्नीला मारहाण करण्यास सुरुवात केली. तेथे उपस्थित महिला घाबरून त्या व्यक्तीला थांबवूही शकल्या नाहीत. तुर्कमेनिस्तानची ही स्थिती आहे. इथे पत्नीने ब्युटी ट्रीटमेंट केल्यामुळे पतीने थेट तिला भर रस्त्यात मारहाण करण्यात आली. या घटनेचा व्हिडिओही समोर आला आहे.

Old Passbook: वडिलांच्या ६० वर्ष जून्या पासबुकने नशिब फळफळलं, एका रात्रीत मुलगा झाला करोडपती
आरोपी पतीने भर रस्त्यात पत्नी लाथा-बुक्क्यांनी मारहाण केली. यावेळी बघ्यांची मोठी गर्दी झाली पण पतीचा संताप पाहता कोणीही मदतीसाठी धावलं नाही. अधिक माहितीनुसार, पती बराच वेळ पत्नीला शोधत होता. त्यामुळे तो खूप भडकला. अशात त्याने पत्नीला पार्लरच्या बाहेर येताना पाहिलं. त्यामुळे तो आणखी संतापला.

सुरुवातीला पतीने महिलेला हाताला धरून ओढत आणले आणि नंतर दुसऱ्याच क्षणी तिला बेदम मारहाण करण्यास सुरुवात केली. या घटनेचा व्हिडिओदेखील सोशल मीडियावर व्हायरल झाला आहे.

वृत्तानुसार, अधिकाऱ्यांनी अनेक ठिकाणच्या सलूनमध्येही रेड मारली आहे. काही महिलांना 'खूप वेगळ्या' दिसल्याबद्दल अटकही करण्यात आली होती. आता महिलांना पारंपारिक तुर्कमेन पोशाख घालण्याची सक्ती केली जाते. देशात पॅडेड ब्रावरही बंदी घालण्यात आली आहे. ब्युटी पार्लरमध्ये महिला पकडल्या गेल्यास पती किंवा वडिलांकडून दंड वसूल केला जाऊ शकतो. हा दंड इतका जास्त असू शकतो की त्यात काही महिन्यांचा पगारही जाऊ शकतो, असा दावा केला जात आहे.