वॉशिंग्टन : आपण आपल्या मागच्या खिशात रोख रक्कम घेऊन जातो, कारण आपल्याला हॉटेलमध्ये टिप द्यायला आवडते, अशी स्वत:विषयीची माहिती दस्तुरखुद्द ट्रम्प यांनीच दिली आहे. कॅलिफोर्नियातील माउंटन व्ह्यूमधील मॉपेट फ्लिडमधून बाहेर पडताना त्यांच्या पँटच्या मागच्या खिशातून २० डॉलरचे बिल डोकावताना दिसत होते. त्यावर पत्रकारांनी त्यांना प्रश्न केला असता, 'मी पैशाचे पाकीट बरोबर घेत नाहीबऱ्याच काळापासून मी क्रेडिट कार्डच वापरलेले नाही. मला हॉटेलांमध्ये टिप द्यायला आवडते. म्हणून थोडीफार रोख रक्कम मी बरोबर घेतो,' असे ते म्हणाले. 'मी अध्यक्ष आहे, म्हणून मी असे करणे कदाचित योग्य नाही. पण मला आवडते,' अशी पुस्तीही त्यांनी जोडली.
‘मला टिप द्यायला आवडते’
आपण आपल्या मागच्या खिशात रोख रक्कम घेऊन जातो, कारण आपल्याला हॉटेलमध्ये टिप द्यायला आवडते, अशी स्वत:विषयीची माहिती दस्तुरखुद्द ट्रम्प यांनीच दिली आहे...
महाराष्ट्र टाइम्स.कॉम 20 Sep 2019, 4:00 am