वॉशिंग्टन:
'पुलवामा येथील दहशतवादी हल्ल्यानंतर भारत आणि पाकिस्तानमध्ये आजवरची सर्वात तणावाची परिस्थिती आहे. हा तणाव कमी व्हावा यासाठी आम्ही दोन्ही देशांच्या संपर्कात आहोत. मात्र, भारत यावेळी काहीतरी मोठं पाऊल उचलण्याचा विचार करतोय,' असा दावा अमेरिकेचे अध्यक्ष डोनाल्ड ट्रम्प यांनी केला आहे.
जम्मू-काश्मीरमधील पुलवामा हल्ल्याबद्दल विचारलेल्या प्रश्नाला उत्तर देताना ट्रम्प बोलत होते. 'भारत-पाकिस्तानमध्ये सध्या खूपच नाजूक व खतरनाक परिस्थिती आहे. भारतानं या हल्ल्यात जवळपास ५० जवान गमावले आहेत. त्यामुळं भारतीयांच्या भावना आम्ही समजू शकतो. दोन्ही देशांमधील तणाव निवळावा असा आमचा प्रयत्न आहे. आमची चर्चा सुरू आहे. चर्चा प्रक्रियेत अनेकांचा सहभाग आहे. चर्चेत समतोल साधणं हे आव्हान आहे,' असं ट्रम्प म्हणाले.
...म्हणून मी पाकिस्तानची मदत थांबवली!
अमेरिकेची याआधीची सरकारं पाकिस्तानला दरवर्षी १.३ बिलियन डॉलर (सुमारे ९३ अब्ज रुपये) इतकं आर्थिक सहाय्य करत होती. या मदतीचा पाकिस्तान गैरफायदा उचलत होतं. आम्हाला अपेक्षित कृती पाकिस्तान करत नसल्यामुळं आमच्या सरकारनं ही मदत बंद करून टाकली. मात्र, सध्या पाकिस्तानशी आमची चर्चा सुरू आहे. दोन्ही देशांतील संबंधांत पुन्हा सुधारणा झाली आहे,' असं ट्रम्प म्हणाले.
'पुलवामा येथील दहशतवादी हल्ल्यानंतर भारत आणि पाकिस्तानमध्ये आजवरची सर्वात तणावाची परिस्थिती आहे. हा तणाव कमी व्हावा यासाठी आम्ही दोन्ही देशांच्या संपर्कात आहोत. मात्र, भारत यावेळी काहीतरी मोठं पाऊल उचलण्याचा विचार करतोय,' असा दावा अमेरिकेचे अध्यक्ष डोनाल्ड ट्रम्प यांनी केला आहे.
जम्मू-काश्मीरमधील पुलवामा हल्ल्याबद्दल विचारलेल्या प्रश्नाला उत्तर देताना ट्रम्प बोलत होते. 'भारत-पाकिस्तानमध्ये सध्या खूपच नाजूक व खतरनाक परिस्थिती आहे. भारतानं या हल्ल्यात जवळपास ५० जवान गमावले आहेत. त्यामुळं भारतीयांच्या भावना आम्ही समजू शकतो. दोन्ही देशांमधील तणाव निवळावा असा आमचा प्रयत्न आहे. आमची चर्चा सुरू आहे. चर्चा प्रक्रियेत अनेकांचा सहभाग आहे. चर्चेत समतोल साधणं हे आव्हान आहे,' असं ट्रम्प म्हणाले.
...म्हणून मी पाकिस्तानची मदत थांबवली!
अमेरिकेची याआधीची सरकारं पाकिस्तानला दरवर्षी १.३ बिलियन डॉलर (सुमारे ९३ अब्ज रुपये) इतकं आर्थिक सहाय्य करत होती. या मदतीचा पाकिस्तान गैरफायदा उचलत होतं. आम्हाला अपेक्षित कृती पाकिस्तान करत नसल्यामुळं आमच्या सरकारनं ही मदत बंद करून टाकली. मात्र, सध्या पाकिस्तानशी आमची चर्चा सुरू आहे. दोन्ही देशांतील संबंधांत पुन्हा सुधारणा झाली आहे,' असं ट्रम्प म्हणाले.