भारतीय नोकरदारांना ‘एच-१बी’ची चिंता
अमेरिकेतील नव्या ट्रम्प सरकारने काँग्रेससमोर मांडलेल्या नव्या एच-१बी विधेयकावर अमेरिकास्थित भारतीय नोकरदारांनी चिंता व्यक्त केली आहे. या विधेयकाचा तेथील भारतीय नोकरदारांवर विपरित परिणाम होईल, अशी शक्यता आहे.
Maharashtra Times 14 Feb 2017, 3:20 am
वॉशिंग्टन : अमेरिकेतील नव्या ट्रम्प सरकारने काँग्रेससमोर मांडलेल्या नव्या एच-१बी विधेयकावर अमेरिकास्थित भारतीय नोकरदारांनी चिंता व्यक्त केली आहे. या विधेयकाचा तेथील भारतीय नोकरदारांवर विपरित परिणाम होईल, अशी शक्यता आहे.
अमेरिकेतील सिलिकॉन व्हॅलीमध्ये नुकतेच शंभरहून अधिक भारतीय नोकरदारांनी एकत्र येऊन या मुद्द्यावर जनजागृती करण्याची गरज व्यक्त केली. कर्मचाऱ्यांचे शोषण होऊ नये, यासाठी केल्या जाणाऱ्या सुधारणांना आमचा पाठिंबा असला, तरी किमान वेतनामध्ये भरमसाठ वाढ केल्याचा उलट परिणाम अमेरिकी विद्यापीठांमधून पदवी शिक्षण पूर्ण करणाऱ्या भारतीय विद्यार्थ्यांना; तसेच कमी अनुभव असलेल्या कुशल मनुष्यबळाला बसेल. या विधेयकामध्ये वार्षित एक लाख ३० हजार डॉलर इतके किमान वेतन देण्याची तरतूद आहे. नवोदितांना इतके वेतन देण्यास कोणतीही कंपनी तयार होणार नाही, असे ‘जिटप्रो’ या जागतिक भारतीय तंत्रज्ञांच्या संस्थेचे अध्यक्ष खंडेराव कांद यांनी सांगितले. एच-१बी व्हिसाच्या आधारे तंत्रज्ञान क्षेत्रातील कंपन्या दर वर्षी सुमारे दहा हजार जणांना रोजगार देतात.
अमेरिकेतील सिलिकॉन व्हॅलीमध्ये नुकतेच शंभरहून अधिक भारतीय नोकरदारांनी एकत्र येऊन या मुद्द्यावर जनजागृती करण्याची गरज व्यक्त केली. कर्मचाऱ्यांचे शोषण होऊ नये, यासाठी केल्या जाणाऱ्या सुधारणांना आमचा पाठिंबा असला, तरी किमान वेतनामध्ये भरमसाठ वाढ केल्याचा उलट परिणाम अमेरिकी विद्यापीठांमधून पदवी शिक्षण पूर्ण करणाऱ्या भारतीय विद्यार्थ्यांना; तसेच कमी अनुभव असलेल्या कुशल मनुष्यबळाला बसेल. या विधेयकामध्ये वार्षित एक लाख ३० हजार डॉलर इतके किमान वेतन देण्याची तरतूद आहे. नवोदितांना इतके वेतन देण्यास कोणतीही कंपनी तयार होणार नाही, असे ‘जिटप्रो’ या जागतिक भारतीय तंत्रज्ञांच्या संस्थेचे अध्यक्ष खंडेराव कांद यांनी सांगितले. एच-१बी व्हिसाच्या आधारे तंत्रज्ञान क्षेत्रातील कंपन्या दर वर्षी सुमारे दहा हजार जणांना रोजगार देतात.