ज्वालामुखीचा उद्रेक होताच वाहू लागली लाव्हारसाची नदी, पूलही वितळला; थरारक व्हिडिओ समोर

जकार्ताः ज्वालामुखीचा देश अशी ओळख अशलेल्या इंडोनेशियात पुन्हा एकदा भयंकर ज्वालामुखीचा उद्रेक झाला आहे. इंडोनेशियातील सर्वात उंच ज्वालामुखी माउंट सेमेरू ज्वालामुखीचा उद्रेक झाला आहे. ४ डिसेंबर रोजी ही घटना घडली आहे. ज्वालामुखीचा उद्रेक इतका भीषण होता की आजूबाजूच्या दाट लोकवस्तीच्या भागावर लाव्हा आणि राख पसरायला सुरुवात झाली आहे. उद्रेकामुळं आकाशात ज्वालामुखीतून बाहेर पडणाऱ्या वायूंचे ढगही आले आहेत.

माउंट सेमेरू ज्वालामुखी गेल्या काही दिवसांपासून धगधगत होता. मात्र, पावसामुळं ज्वालामुखीच्या तोंडावरील जमिनीचा ऱ्हास झाल्यामुळं ३, ६७६ मीटर उंचीवरील पर्वतावरील हा ज्वालामुखी पुन्हा आग ओकू लागला आहे. त्यामुळं ज्वालामुखीतून राख, गॅस आणि लाव्हारसा नदीसारखा पर्वतावरुन वाहू लागला. ज्वालामुखीतून पडलेला लाव्हारस दाटवस्ती असलेल्या परिसरात पसरायला सुरूवात झाली.


ज्वालामुखीचा उद्रेक झाल्यानंतर त्याची जवळपास असलेल्या गावात मोठ्या प्रमाणात पसरली आहे. धूर आणि राख यामुळं गावात अंधार पसरला आहे. दिवसाढवळ्याही लोकांना वीज वापरावी लागत आहे. लोकांना सुरक्षित स्थळी पोहोचवण्यात येत आहे. अजूनही बचावकार्य सुरू आहे.

वाचाः महाराष्ट्र हादरला! नातवाने मुलीला पळवून नेलं, संतापलेल्या जमावाने त्याच्या आजीला दिली भयानक शिक्षा

माउंट सेमेरू राजधानी जकार्तापासून ८०० किलोमीटर दूर असलेल्या जावामध्ये आहे. जावामध्ये अनेक ज्वालामुखी सक्रिय आहेत. मात्र माउंट सेमेरू सगळ्यात उंच आणि खतरनाक ज्वालामुखी आहे. फक्त इंडोनेशियात १२१ सक्रिय ज्वालामुखी आहेत. मागील वर्षीही माउंट सेमेरू ज्वालामुखीचा उद्रेक झाला होता. त्यावेळी राख, लाव्हारस आणि त्यातून निघणारा गॅसयामुळं ५१ जणांचा मृत्यू झाला होता. तर, १० हजार जणांना सुरक्षित स्थळी नेण्यात आले होते.


दरम्यान, यंदा झालेल्या ज्वालामुखीच्या उद्रेकामुळं लाव्हारसाची नदीसारखा ८ किलोमीटरपर्यंत वाहून आली आहेत. स्थानिक लोकांना २० किलोमीटर दूर असलेल्या शाळेत स्थलांतर करण्यात आले आहे. यावेळी ज्वालामुखीच्या डेंजर झोनमध्ये जवळपास ३ हजार घरं आहेत. उद्रेकानंतर राख जवळपास ५ हजार फूट उंच उडाली त्यानंतर ज्वालामुखीतून तप्त लाव्हा रस पर्वतावरुन ओघळून जवळच्या बेसुक कोबोकान नदीला जाऊन मिळाला.

वाचाः असं कसं घडलं! स्वयंपाकघर तेलंगणात तर बैठक खोली महाराष्ट्रात; या अनोख्या घराची तुफान चर्चा