इंडोनेशियाः लग्नाआधी सेक्स केल्यास शिक्षा नाही

जकार्ताः समलैंगिक सेक्स आणि लग्नाअगोदर लैंगिक संबंध ठेवल्यास कायद्याचे उल्लंघन ठरणार नाही. या दोन्ही होऊ घातलेल्या कायद्याला जनतेतून विरोध झाल्याने इंडोनेशियाचे राष्ट्रपती जोको विडोडो यांनी या कायद्याला मंजुरी न देण्याचा निर्णय घेतला आहे. या विधेयकाची समीक्षा करण्याची गरज असल्याचे मत नोंदवून विडोडो यांनी हे विधेयक मंजूर केले नाही.

जगातील सर्वाधिक मुस्लिम असलेल्या लाखो लोकांना या निर्णयामुळे दिलासा मिळणार आहे. समलैंगिक जोडपे किंवा लग्नाआधी सेक्स केल्यास शिक्षा म्हणून जेलची हवा खाण्याची तरतूद या कायद्यात आहे. विविध समूहांकडून विरोध दर्शवण्यात आल्याने या विधेयकावर पुन्हा एकदा विचार करण्याची आवश्यकता आहे, असा निर्णय घेण्यात आल्याची माहिती विडोडो यांनी दिली. कायदामंत्री यांना यासंबंधी सांगण्यात आले आहे. माझे मत मी कळवले असून या अधिवेशनात हा कायदा मंजूर करण्यात येऊ नये, असे मी त्यांना सूचवले आहे, असेही त्यांनी सांगितले.

इंडोनेशियात या विषयावर नवीन कायदा आणण्यासाठी दशकापासून चर्चा सुरू आहे. हे विधेयक मंजूर व्हावे यासाठी २०१८ मध्ये खूप प्रयत्न करण्यात आले होते. परंतु, त्यावेळीही या विधेयकाला मंजुरी मिळाली नव्हती.