Indonesian plane crash इंडोनेशिया विमान अपघात; विमानाचे अवशेष, मृतदेह आढळले

जकार्ता: इंडोनेशियाची राजधानी जकार्ता येथून उड्डाण करणारे श्रीविजया एअरचे विमान समुद्रात कोसळल्याचे समोर आल्यानंतर मदत आणि बचावकार्य सुरू करण्यात आले. या विमानाचे काही भाग आणि काही मृतदेहांचे अवशेष आढळले असल्याची माहिती समोर आली आहे. या विमानात १२ क्रू सदस्यांसह एकूण ६२ प्रवासी होते.

इंडोनेशियाचे मंत्री करिया सुमाडी यांनी सांगितले की श्रीविजय एअरलाइन्सच्या विमानाला उड्डाण घेण्यास एक तास उशीर झाला. पायलटने हवाई वाहतूक नियंत्रण विभागासोबत संपर्क केल्यानंतर त्याच्या चार मिनिटानंतर बोईंग ७३७-५०० हे विमान रडारवरून अदृश्य झाले. पायलटने हवाई नियंत्रण कक्षासोबत २९ हजार फूटांवरून संपर्क साधला होता.

वाचा: चिनी लशीमुळे ७३ प्रकारचे दुष्परिणाम? डॉक्टरच्या दाव्याने खळबळ

सुमाडी यांनी सांगितले की, चार युद्धनौकांसह एक डझन जहाजांसह लकांग बेट, लाकी बेट आणि जकार्ताच्या उत्तर भागात असलेल्या बेटांच्या दरम्यान मदत आणि बचाव कार्य सुरू करण्यात आले आहे. स्थानिक मच्छिमारांना सापडलेले विमानाचे अवशेष बचाव पथकाने ताब्यात घेतले आहेत. एअरलाइन्सने दिलेल्या माहितीनुसार, या विमानात ५० प्रवासी आणि १२ क्रू सदस्य होते. हे सर्व इंडोनेशियाई नागरीक होते. हे सर्वजण इंडोनेशियन नागरीक होते.

वाचा: इंडोनेशिया: 'ते' बेपत्ता विमान समुद्रात कोसळले; विमानात होते ५० प्रवासी

एका मिनिटात १० हजार फूट खाली आले विमान

फ्लाइट रडार २४ने (FlightRadar24) हे विमान एका मिनिटात १० हजार फूट खाली आल्याचे ट्रॅक केले होते. यानंतर हे विमान अपघातग्रस्त झाले असावे अशी शंका बळावली. इतक्या तीव्र गतीने जेव्हा विमान खाली येते तेव्हा ते कोसळल्याचीच शक्यता अधिक असते.

वाचा: ट्रम्प यांच्याविरोधात सोमवारी महाभियोग?; बायडन यांच्या शपथविधीवर हिंसाचाराचे सावट

२६ वर्षे जुने आहे हे विमान

विमानाच्या रजिस्ट्रेशनच्या नंबरनुसार, हे विमान २६ वर्षे जुने बोइंग ७३७-५०० आहे. या विमानाने जकार्ताच्या सोकार्नो-हट्टा विमानतळावरून उड्डाण केले होते. उड्डाणानंतर ४ मिनिटांनंतर एअर ट्रॅफिक कंट्रोलचा विमानाशी असलेला संपर्क तुटला होता. यानंतर लगेचच शोध आणि बचाव कार्य सुरू करण्यात आले होते.