ड्रोन हल्ला: आंतरराष्ट्रीय विमानांचे बदलले मार्ग

तेहरान / वॉशिंग्टन:

अमेरिकेचा शक्तीशाली ड्रोन पाडल्यानंतर इराणणे या ड्रोनच्या अवशेषांचा व्हिडिओ जारी केला आहे. इराणच्या वृत्तवाहिन्यांवरून हा व्हिडिओ दाखवण्यात आला. दरम्यान, या हल्ल्यानंतर निर्माण झालेल्या तणावाच्या पार्श्वभूमीवर अनेक आंतरराष्ट्रीय विमान कंपन्यांनी इराण आणि आजूबाजूने ये-जा करणाऱ्या उड्डाणांचे मार्ग बदलण्यात आले आहेत.

कुटनितीचं उत्तर लष्करी कारवाईने देण्याचा अधिकार इराणला नाही असं अमेरिकेने म्हटलं आहे. मात्र इराणला चोख प्रत्युत्तर देण्याची तयारी करूनही अमेरिकेचे अध्यक्ष डोनाल्ड ट्रम्प यांनी गुरुवारी रात्री उशिरा आपला निर्णय मागे घेतला. यामागचं कारण अद्याप स्पष्ट झालेलं नाही.

रॉयटर्स वृत्तसंस्थेनुसार, ओमानच्या माध्यमातून ट्रम्प यांनी इराणला संदेश पाठवला. या संदेशात म्हटलं होतं की अमेरिका इराणसोबत युद्ध करण्याच्या विरोधात आहे. अनेक मुद्द्यांवर तेहरानसोबत अमेरिकेला चर्चा करायची आहे.

ड्रोनचा व्हिडिओ जारी करण्यापूर्वी इराणने शु्क्रवारी जाहीर केले की ओमानच्या खाडीवरून उडणारे अमेरीकी गुप्त ड्रोन पाडण्यावूर्वी ओमानने आधी दोन वेळा वॉर्निंग दिली होती. ड्रोनकडून कोणतंही उत्तर न आल्यावर ४ वाजून ५ मिनिटांनी इराणणे अमेरिकेचा ड्रोन पाडला. इराणचं स्पष्ट म्हणणं आहे की ड्रोन इराणच्या हवाई क्षेत्रात घुसल्यानंतर त्यावरील हल्ल्याचा आदेश आला. मात्र हा ड्रोन आंतरराष्ट्रीय हवाई क्षेत्रात पाडण्यात आल्याचं अमेरिकेचं म्हणणं आहे.