बॉम्बहल्ल्यात कुणीच ठार नाही: IS

मटा ऑनलाइन वृत । कैरो

अमेरिकेने अफगाणिस्तानातील आयसिस तळावर केलेल्या 'महाबॉम्ब'हल्ल्यात ३६ दहशतवादी मारले गेल्याचा दावा अफगाणी अधिकाऱ्यांनी केला असताना आयसिसने हा दावा फेटाळला आहे. अमेरिकेच्या हल्ल्यात आमचा एकही सदस्य ठार झालेला नाही, असे आयसिसने 'अमाक' या वृत्तसंस्थेच्या माध्यमातून स्पष्ट केले आहे.

अफगाणिस्तानमधील 'आयएस'चा मोठा तळ उद्ध्वस्त करण्यासाठी अमेरिकेनं गुरुवारी 'मदर ऑफ ऑल बॉम्ब्स' डागला. या हल्ल्यात ३६ दहशतवादी ठार झाले तर प्रचंड प्रमाणात शस्त्रसाठा आणि लपायच्या गुहाही नेस्तनाबूत झाल्या, अशी माहिती आज अफगाणी अधिकाऱ्यांनी दिली. मात्र, 'अमाक'ने हे वृत्त फेटाळले. अमेरिकेच्या हल्ल्यात आमचा कुणीही सदस्य ठार वा जखमी झालेला नाही, असा दावा 'अमाक'च्या सोशल मीडिया अकाउंटवरून करण्यात आला.