नवी दिल्ली : टेस्ला कंपनीचे सीईओ एलन मस्क मायक्रो ब्लॉगिंग साइट ट्विटर खरेदी केल्यानंतर जगभर चर्चेत आहेत. गेल्या काही दिवसांपासून ते वेगवेगळ्या कारणांनी चर्चेत राहिले आहेत. मोठ्या प्रमाणावर कामगारांना कामावरुन कमी करणं, कमी केलेल्या कामगारांना पुन्हा कामावर बोलावणं, ब्ल्यू टिक साठी मासिक शुल्क आकारणी यामुळं एलन मस्क जगभर चर्चेत राहिले. मात्र, एलन मस्क यांच्या ट्विटर खरेदीवर अमेरिकेत नव्या चर्चेला सुरुवात झाली आहे. एलन मस्क यांच्या ट्विटर डीलमध्ये सौदी अरेबियाच्या गुंतवणुकीच्या उद्योगपतीची गुंतवणूक असल्यानं अमेरिकन माध्यमांमध्ये प्रश्न उपस्थित केले जाते आहेत. यासंदर्भात काही प्रश्न जो बायडन यांना विचारण्यात आले आहेत. एलन मस्क राष्ट्रीय सुरक्षेला धोकादायक आहेत, असं तुम्हाला वाटतं का? अमेरिका ट्विटर अधिग्रहणासाठी मस्क यांच्या विदेशी सरकारांसोबतच्या संबंधांची चौकशी करेल का? कारण या व्यवहारामध्ये सौदी अरेबिया देखील सहभागी आहे, असं विचारण्यात आलं. यावर बायडन यांनी एलन मस्क आणि दुसऱ्या देशांचे संबंध लक्ष वेधण्यासारखे असल्याचं म्हटलं. मात्र, त्याचवेळी एलन मस्क काही चुकीचं करत आहे किंवा नाही यावर माझं काही मत नसल्याचं बायडन म्हणाले. मी फक्त सुचवत आहे की याकडे लक्ष दिलं जाऊ शकत,असं बायडन म्हणाले.
रॉयटर्स या वृत्तसंस्थेच्या नुसार ट्विटर खरेदीसाठी एलन मस्कनं बहुतांश रक्कम स्वत:कडील वापरली आहे. मात्र, ७.१ बिलियन डॉलर इक्विटी रक्कम गुंतवणूकदारांनी गुंतवली आहे. याशिवाय अब्जाधीश लैरी एलिसन आणि तर होल्डिंगचे प्रिन्स अलवालीद यांच्या गुंतवणुकीचा समावेश आहे.
टीम इंडियाच्या पराभवानंतर नेटिझन्सची कायच्या काय क्रिएटिव्हिटी, भन्नाट मीम्स
ट्विटर डीलची सुरुवात एप्रिल मध्ये झाली होती. ४ एप्रिलला एलन मस्कनं ट्विटरमध्ये ९.२ टक्के भागिदारी खरेदी केली. ५४.२ डॉलर प्रतिशेअर भावानुसार ४४ अब्ज डॉलरमध्ये त्यानं ट्विटर खरेदीची ऑफर दिली. सुरुवातीला कंपनीनं ऑफर स्वीकारली नाही, मात्र नंतर त्यांनी भूमिका बदलली.
रोहित शर्मा रडत होता; ही व्यक्ती जवळ आली धीर दिला, यालाच तर टीम इंडिया म्हणतात यार...
मे महिन्यात ट्विटरवरील बॉट अकाऊंटवरुन एलन मस्क आणि पराग अग्रवाल यांच्यात वाद सुरु झाला. १७ मेला त्यानं डील थांबण्याची धमकी दिली. ८ जुलै रोजी ट्विटर खरेदीतून त्यानं माघार घेत १२ जुलै ट्विटरवर केस केली. दरम्यानच्या काळात ट्विटर आणि मस्क यांच्यात वाद सुरु होता. अखेर ४ ऑक्टोबरला मस्कनं ट्विटर खरेदी करण्यास तयार असल्याचं म्हटलं. आणि २७ ऑक्टोबरला सर्व प्रक्रिया पूर्ण झाली.
भारत जोडो प्रवासातून काँग्रेस नेत्यांच्या पोराबाळांना वाट सापडणार? राजकीय लाँचिंगच्या चर्चा
रॉयटर्स या वृत्तसंस्थेच्या नुसार ट्विटर खरेदीसाठी एलन मस्कनं बहुतांश रक्कम स्वत:कडील वापरली आहे. मात्र, ७.१ बिलियन डॉलर इक्विटी रक्कम गुंतवणूकदारांनी गुंतवली आहे. याशिवाय अब्जाधीश लैरी एलिसन आणि तर होल्डिंगचे प्रिन्स अलवालीद यांच्या गुंतवणुकीचा समावेश आहे.
टीम इंडियाच्या पराभवानंतर नेटिझन्सची कायच्या काय क्रिएटिव्हिटी, भन्नाट मीम्स
ट्विटर डीलची सुरुवात एप्रिल मध्ये झाली होती. ४ एप्रिलला एलन मस्कनं ट्विटरमध्ये ९.२ टक्के भागिदारी खरेदी केली. ५४.२ डॉलर प्रतिशेअर भावानुसार ४४ अब्ज डॉलरमध्ये त्यानं ट्विटर खरेदीची ऑफर दिली. सुरुवातीला कंपनीनं ऑफर स्वीकारली नाही, मात्र नंतर त्यांनी भूमिका बदलली.
रोहित शर्मा रडत होता; ही व्यक्ती जवळ आली धीर दिला, यालाच तर टीम इंडिया म्हणतात यार...
मे महिन्यात ट्विटरवरील बॉट अकाऊंटवरुन एलन मस्क आणि पराग अग्रवाल यांच्यात वाद सुरु झाला. १७ मेला त्यानं डील थांबण्याची धमकी दिली. ८ जुलै रोजी ट्विटर खरेदीतून त्यानं माघार घेत १२ जुलै ट्विटरवर केस केली. दरम्यानच्या काळात ट्विटर आणि मस्क यांच्यात वाद सुरु होता. अखेर ४ ऑक्टोबरला मस्कनं ट्विटर खरेदी करण्यास तयार असल्याचं म्हटलं. आणि २७ ऑक्टोबरला सर्व प्रक्रिया पूर्ण झाली.
भारत जोडो प्रवासातून काँग्रेस नेत्यांच्या पोराबाळांना वाट सापडणार? राजकीय लाँचिंगच्या चर्चा