मटा ऑनलाइन वृत्त । इस्लामाबाद
मुंबईवरील हल्ल्याचा मास्टरमाइंड आणि जमात-उद- दावा या दहशतवादी संघटनेचा मोहरक्या हाफिज सईद अखेर पाकिस्तानच्या राजकारणात सक्रिय झाला आहे. हाफिजने 'मिल्ली मुस्लिम लीग' नावाचा राजकीय पक्ष स्थापन केला असून त्याची काल अधिकृत घोषणाही करण्यात आली आहे. पाकिस्तानमध्ये आधीच राजकीय अस्थिरता निर्माण झालेली असताना हाफिजने राजकीय पक्ष स्थापन केल्याने या नव्या पक्षाकडे सर्वांचे लक्ष लागले आहे.
जमात-उद-दावाच्या सदस्यांनी इस्लामाबादमध्ये सोमवारी पत्रकार परिषद घेऊन नव्या पक्षाची अधिकृत घोषणा केली. त्यांनी नव्या पक्षाचा लोगो, झेंडा आणि पक्षाचे नावही जाहीर केले. तसेच जमात-उद-दावाचे ज्येष्ठ सदस्य सैफुल्लाह खालिद याची 'मिल्ली मुस्लिम लीग' या नव्या पक्षाचा अध्यक्ष म्हणून नियुक्ती करण्यात आली. 'पाकिस्तानला इस्लामिक कल्याणकारी देश बनविण्यासाठी आमचा पक्ष काम करेल', असं खालिद यांनी सांगितलं. तसेच समान विचारधारा असणाऱ्या पक्षांशी युती करण्याची तयारीही त्यांनी यावेळी दर्शविली. दरम्यान, नव्या पक्षात हाफिज सईदची काय भूमिका असेल हे मात्र त्यांनी गुलदस्त्यातच ठेवले.
हाफिज सईदचे पाक लष्कर आणि आयएसआयशी चांगले संबंध आहेत. त्यामुळे या नव्या पक्षाच्या माध्यामातून लष्कर आणि आयएसआयच्या मदतीने पाकिस्तानच्या राजकारणात पाय रोवण्यास त्याला मदतच होणार असल्याचे सूत्रांनी सांगितले. हाफिज सईद गेल्या ६ महिन्यांपासून नजरकैदेत आहे. जमात-उद-दावावर कारवाई केली नाही तर पाकिस्तानवर निर्बंध लादले जातील, असा इशारा अमेरिकेने दिला होता. त्यामुळे पाकिस्तानने ही कारवाई केली आहे. नजरकैदेत किती काळ रहावे लागेल याची शाश्वती नसल्यानेच तो राजकारणात प्रवेश करत असल्याचं सूत्रांचं म्हणणं आहे.
मुंबईवरील हल्ल्याचा मास्टरमाइंड आणि जमात-उद- दावा या दहशतवादी संघटनेचा मोहरक्या हाफिज सईद अखेर पाकिस्तानच्या राजकारणात सक्रिय झाला आहे. हाफिजने 'मिल्ली मुस्लिम लीग' नावाचा राजकीय पक्ष स्थापन केला असून त्याची काल अधिकृत घोषणाही करण्यात आली आहे. पाकिस्तानमध्ये आधीच राजकीय अस्थिरता निर्माण झालेली असताना हाफिजने राजकीय पक्ष स्थापन केल्याने या नव्या पक्षाकडे सर्वांचे लक्ष लागले आहे.
जमात-उद-दावाच्या सदस्यांनी इस्लामाबादमध्ये सोमवारी पत्रकार परिषद घेऊन नव्या पक्षाची अधिकृत घोषणा केली. त्यांनी नव्या पक्षाचा लोगो, झेंडा आणि पक्षाचे नावही जाहीर केले. तसेच जमात-उद-दावाचे ज्येष्ठ सदस्य सैफुल्लाह खालिद याची 'मिल्ली मुस्लिम लीग' या नव्या पक्षाचा अध्यक्ष म्हणून नियुक्ती करण्यात आली. 'पाकिस्तानला इस्लामिक कल्याणकारी देश बनविण्यासाठी आमचा पक्ष काम करेल', असं खालिद यांनी सांगितलं. तसेच समान विचारधारा असणाऱ्या पक्षांशी युती करण्याची तयारीही त्यांनी यावेळी दर्शविली. दरम्यान, नव्या पक्षात हाफिज सईदची काय भूमिका असेल हे मात्र त्यांनी गुलदस्त्यातच ठेवले.
हाफिज सईदचे पाक लष्कर आणि आयएसआयशी चांगले संबंध आहेत. त्यामुळे या नव्या पक्षाच्या माध्यामातून लष्कर आणि आयएसआयच्या मदतीने पाकिस्तानच्या राजकारणात पाय रोवण्यास त्याला मदतच होणार असल्याचे सूत्रांनी सांगितले. हाफिज सईद गेल्या ६ महिन्यांपासून नजरकैदेत आहे. जमात-उद-दावावर कारवाई केली नाही तर पाकिस्तानवर निर्बंध लादले जातील, असा इशारा अमेरिकेने दिला होता. त्यामुळे पाकिस्तानने ही कारवाई केली आहे. नजरकैदेत किती काळ रहावे लागेल याची शाश्वती नसल्यानेच तो राजकारणात प्रवेश करत असल्याचं सूत्रांचं म्हणणं आहे.