वृत्तसंस्था, वॉशिंग्टनअमेरिकेचे अध्यक्ष डोनाल्ड ट्रम्प यांच्या कन्या आणि व्हाइट हाउसच्या सल्लागार इव्हांका ट्रम्प यांनी भारतातील १५ वर्षीय तरुणी ज्योती कुमारीचे कौतुक केले आहे. भारतातील लॉकडाउनदरम्यान ज्योतीने आपल्या आजारी वडिलांना घेऊन सायकलवरून १,२०० किलोमीटरचे अंतर पार केले. ज्योतीचे हे कार्य चिकाटी आणि प्रेमाचे सुंदर उदाहरण असल्याचे इव्हांका यांनी म्हटले आहे.करोना विषाणू संसर्गानंतर सार्वजनिक वाहतुकीवर आलेल्या निर्बंधांमुळे आठवी इयत्तेत शिकणारी ज्योती आपले वडील मोहन पासवान यांच्यासह हरियाणातील गुरुग्राम येथे अडकली होती. अखेर तिने आपल्या वडिलांना सायकलच्या कॅरियरवर बसवून सात दिवसांमध्ये बिहारमधील आपल्या गावापर्यंतचे १२०० किलोमीटरचे अंतर पार केले. १० मे रोजी त्यांनी गुरुग्रामहून सायकल प्रवासाला सुरुवात केली होती आणि १६ मे रोजी ते आपल्या गावी पोहोचले.
इव्हांका यांच्याकडून ज्योतीचे कौतुक
वृत्तसंस्था, वॉशिंग्टनअमेरिकेचे अध्यक्ष डोनाल्ड ट्रम्प यांच्या कन्या आणि व्हाइट हाउसच्या सल्लागार इव्हांका ट्रम्प यांनी भारतातील १५ वर्षीय तरुणी ...
महाराष्ट्र टाइम्स.कॉम 24 May 2020, 4:00 am