दूतावासांच्या परिसरात हल्ला; ३५० जण जखमी
वृत्तसंस्था, काबूल
काबूल शहराच्या मध्यवर्ती भागात बुधवारी स्थानिक वेळेनुसार सकाळी साडेआठच्या सुमारास झालेल्या कार बॉम्बस्फोटात किमान ९० जण मृत्युमुखी पडले आणि ४०० जण जखमी झाले. बहुतेक परदेशी दूतावास असलेल्या झान्बाक परिसरात हा स्फोट झाला. काही महिन्यांतील काबूलमध्ये झालेला हा सर्वांत मोठा दहशतवादी हल्ला आहे. या हल्ल्याची जबाबदारी अद्याप कोणत्याही संघटनेने स्वीकारलेली नाही. अलीकडील काळात घडलेल्या काही हल्ल्यांची जबाबदारी इस्लामिक स्टेटनेही स्वीकारली आहे.
या स्फोटाची तीव्रता इतकी होती की, आसपासचा सारा परिसर हादरला. घरे, दूतावासांच्या कार्यालयांच्या खिडक्याच्या काचा, दरवाजे यांचे नुकसान झाले. घटनास्थळी मृतदेहांचा खच पडला होता. साऱ्या परिसरात धुराचे लोट दिसत होते. स्फोटानंतर रस्त्यांवर मोटारींमुळे कोंडी झाली होती. बहुतेक कारचालक जखमी अवस्थेत होते. मृतांची संख्या वाढण्याची भीती आरोग्य विभागाच्या वरिष्ठ अधिकाऱ्यांनी वर्तवली आहे.
हा स्फोट ट्रकच्या साह्याने घडविण्यात आला असावा, असे प्राथमिक तपासातून जाणवत आहे, अशी माहिती गृह मंत्रालयाचे प्रवक्ते नजीब दानिश यांनी दिली. या स्फोटात चार पत्रकार आणि स्थानिक अफगाण कारचालकाचा मृत्यू झाल्याचे ब्रिटिश ब्रॉडकास्टिंग कॉर्पोरेशनने (बीबीसी) जाहीर केले आहे. चीन, जपान, फ्रान्स, जर्मनी आदी देशांच्या दूतावासांचेही स्फोटात नुकसान झाले असून, फ्रेंच व जपानी दूतावासातील दोन कर्मचारी किरकोळ जखमी झाले आहेत.
भारतीय सुखरूप
भारतीय दूतावासापासून केवळ १०० मीटर अंतरावर हा स्फोट झाला, अशी माहिती भारताचे अफगाणिस्तानातील दूत मनप्रीत व्होरा यांनी ‘टाइम्स नाऊ’ या वृत्तवाहिनीला दिली. आम्ही सर्व जण, आमचे कर्मचारी सुखरूप आहोत. स्फोटाची तीव्रता खूप जास्त होती. स्फोटामुळे भारतीय दूतावासासह आसपासच्या इमारतींच्या काचा फुटणे, दरवाजे उडून पडणे अशा स्वरूपाचे नुकसान झाले आहे, असेही व्होरा यांनी सांगितले.
वृत्तसंस्था, काबूल
काबूल शहराच्या मध्यवर्ती भागात बुधवारी स्थानिक वेळेनुसार सकाळी साडेआठच्या सुमारास झालेल्या कार बॉम्बस्फोटात किमान ९० जण मृत्युमुखी पडले आणि ४०० जण जखमी झाले. बहुतेक परदेशी दूतावास असलेल्या झान्बाक परिसरात हा स्फोट झाला. काही महिन्यांतील काबूलमध्ये झालेला हा सर्वांत मोठा दहशतवादी हल्ला आहे. या हल्ल्याची जबाबदारी अद्याप कोणत्याही संघटनेने स्वीकारलेली नाही. अलीकडील काळात घडलेल्या काही हल्ल्यांची जबाबदारी इस्लामिक स्टेटनेही स्वीकारली आहे.
या स्फोटाची तीव्रता इतकी होती की, आसपासचा सारा परिसर हादरला. घरे, दूतावासांच्या कार्यालयांच्या खिडक्याच्या काचा, दरवाजे यांचे नुकसान झाले. घटनास्थळी मृतदेहांचा खच पडला होता. साऱ्या परिसरात धुराचे लोट दिसत होते. स्फोटानंतर रस्त्यांवर मोटारींमुळे कोंडी झाली होती. बहुतेक कारचालक जखमी अवस्थेत होते. मृतांची संख्या वाढण्याची भीती आरोग्य विभागाच्या वरिष्ठ अधिकाऱ्यांनी वर्तवली आहे.
हा स्फोट ट्रकच्या साह्याने घडविण्यात आला असावा, असे प्राथमिक तपासातून जाणवत आहे, अशी माहिती गृह मंत्रालयाचे प्रवक्ते नजीब दानिश यांनी दिली. या स्फोटात चार पत्रकार आणि स्थानिक अफगाण कारचालकाचा मृत्यू झाल्याचे ब्रिटिश ब्रॉडकास्टिंग कॉर्पोरेशनने (बीबीसी) जाहीर केले आहे. चीन, जपान, फ्रान्स, जर्मनी आदी देशांच्या दूतावासांचेही स्फोटात नुकसान झाले असून, फ्रेंच व जपानी दूतावासातील दोन कर्मचारी किरकोळ जखमी झाले आहेत.
भारतीय सुखरूप
भारतीय दूतावासापासून केवळ १०० मीटर अंतरावर हा स्फोट झाला, अशी माहिती भारताचे अफगाणिस्तानातील दूत मनप्रीत व्होरा यांनी ‘टाइम्स नाऊ’ या वृत्तवाहिनीला दिली. आम्ही सर्व जण, आमचे कर्मचारी सुखरूप आहोत. स्फोटाची तीव्रता खूप जास्त होती. स्फोटामुळे भारतीय दूतावासासह आसपासच्या इमारतींच्या काचा फुटणे, दरवाजे उडून पडणे अशा स्वरूपाचे नुकसान झाले आहे, असेही व्होरा यांनी सांगितले.