किम जोंग यांचं काय झालं? उद्या घोषणेची शक्यता

सेऊल: उत्तर कोरियाचे हुकूमशहा किम जोंग उन (Kim Jong Un) यांच्या प्रकृतीबद्दल उत्तर कोरियासह जगभरात निर्माण झालेला संभ्रम उद्या संपण्याची शक्यता आहे. किम जोंग यांचं नेमकं काय झालं, याबाबत उत्तर कोरियाकडून सोमवारी अधिकृत घोषणा केली जाणार असल्याचं बोललं जातं.

उत्तर कोरियाचे राष्ट्राध्यक्ष किम जोंग यांचे निधन?

कोरियन माध्यमांच्या माहितीनुसार, किम यांनी ११ एप्रिल रोजी एका सार्वजनिक कार्यक्रमाला हजेरी लावली होती. त्यानंतर ते लोकांसमोर आले नाहीत. किम यांचे आजोबा व उत्तर कोरियाचे संस्थापक नेते किम संग यांच्या जयंती सोहळ्यालाही ते अनुपस्थित होते. तेव्हापासून त्यांच्या प्रकृतीबद्दलच्या चर्चेला उधाण आलं होतं.

किम जोंग यांच्यासाठी चीनचे डॉक्टर उत्तर कोरियात!

दरम्यान, हाँगकाँग टीव्ही न्यूज चॅनेलनं किम जोंग यांचं निधन झाल्याचा दावा केला आहे. तर, जपानमधील एका मासिकानं हृदयशस्त्रक्रियेनंतर जोंग हे ब्रेन डेड झाल्याचं म्हटलं आहे. त्यामुळं उलटसुलट चर्चेला उधाण आलं आहे. जोंग यांचं निधन झालं असल्यास उत्तर कोरियाकडून त्याबाबत सोमवारी अधिकृत घोषणा होण्याची शक्यता आहे.

किम जोंग उनच्या मृत्यूनंतर महायुद्ध पेटणार?

सर्वोच्च नेत्यांच्या निधनाची अधिकृत घोषणा उशिरानं करणं हे उत्तर कोरियात नवीन नाही. २०११ साली किम जोंग इल यांचा हृदयविकारानं मृत्यू झाल्यानंतर दोन दिवसांनी त्याबाबत अधिकृत माहिती देण्यात आली होती. तसंच निधनानंतर ९ दिवसांनी इल यांच्यावर अंत्यसंस्कार करण्यात आले होते. विशेष म्हणजे इल यांच्या निधनाची घोषणा केल्यानंतर त्यांचे उत्तराधिकारी म्हणून किम जोंग यांच्या नावाची त्याचवेळी घोषणा झाली होती.