पत्नी ११ वर्षांपूर्वी त्सुनामीमध्ये वाहून गेली, तो आजही दर आठवड्याला समुद्रात तिला शोधायला निघतो...

नवी दिल्ली: माणसाच्या आयुष्यात सर्वात जवळची आणि अधिक काळापर्यंत सोबत असणारी व्यक्ती म्हणजे पती किंवा पत्नी. पती-पत्नीचं नातं हे प्रेमाच, जिव्हाळ्याचं असतं. त्यामुळे दोघांपैकी कोणालाही काही झालं तरी दुसऱ्यावर आभाळ कोसळतं. एकाला काही झाले तर दुसऱ्याला त्रास होणे साहजिकच आहे. अनेकांना हा धक्का सहन होत नाही, ते आपल्या जोडीदाराला विसरु शकत नाही. असंच काहीसं जपानमधील एका व्यक्तीसोबत घडलं, ज्याची पत्नी २०११ च्या त्सुनामीमध्ये वाहून गेली होती, परंतु पती अजूनही तिचा मृतदेह शोधण्याचा प्रयत्न करत आहे.

ही कहाणी यासुओ ताकामात्सूची (Yasuo Takamatsu) आहे. ज्याची पत्नी ११ वर्षांपूर्वी जपानमधील ओनागावा येथून बेपत्ता झाली होती. आपत्तीनंतर त्यांच्या पत्नी युको ताकामात्सू (Yuko Takamatsu) या पुन्हा कधीही दिसल्या नाहीत. परंतु, पती यासुओ ताकामात्सूला अजूनही आपल्या पत्नीचा मृतदेह सापडण्याची आशा आहे. त्यामुळे तो दर आठवड्याला तिना शोधायला समुद्रात डायव्हिंगला जातो.


हेही वाचा - एलियन जगाशी संपर्क! अंतराळातून ८२ तासांत जवळपास २००० रहस्यमयी सिग्नल, शास्त्रज्ञांची झोप उडाली

११ वर्षांनंतरही पत्नीच्या मृतदेहाचा शोध सुरुच

११ मार्च २०११ रोजी जपानमध्ये पाण्याखालील भूकंपामुळे त्सुनामी आली. या दरम्यान ४०.५ मीटर उंच लाटांमुळे सुमारे २० हजार लोकांचा मृत्यू झाला होता. तर २५०० जण बेपत्ता झाले होते. यापैकीच एक युको ताकामात्सू होती, ज्या कधीही सापडल्या नाहीत. तेव्हापासून ते आजवर ११ वर्षे उलटून गेलीत, परंतु युकोचा पती अजूनही तिचा मृतदेह शोधण्यासाठी दरआठवड्याला समुद्रात डायव्हिंग करायला जातो. २०१३ मध्ये त्यांनी याच कामासाठी डायव्हिंग लायसन्स मिळवले आणि गेल्या ९ वर्षांपासून ते सतत पत्नीच्या मृतदेहाचा शोध घेत आहेत.

हेही वाचा -Thailand Firing: नोकरी गेल्यानं बनला सैतान, पत्नी, मुलालाही सोडलं नाही, वाचा थायलंड गोळीबाराची इनसाईड स्टोरी

आयुष्यभर पत्नीला शोधण्याची शपथ घेतली

डेली मेलच्या वृत्तानुसार, त्यांची पत्नी बँकेत असताना त्यांना त्सुनामीचा तडाखा बसला. ती तिथे काम करायची आणि तिने तिच्या बिल्डिंगच्या गच्चीवरुन पतीला शेवटचा निरोप पाठवला होता. शेवटच्या वेळी त्याने तिच्याकडून इतकंच ऐकलं की "मला घरी जायचे आहे," म्हणून तो आजही तिची ती इच्छा पूर्ण करण्याचा प्रयत्न करत आहे.

त्या अखेरच्या मेसेजनंतर त्यानंतर तिचा कुठेही पत्ता लागला नाही. त्सुनामीमुळे सिग्नल गेलं. तेव्हा यासुओ ताकामात्सूचे वय ५४ वर्षे असावेत आणि आता वयाच्या ६५ व्या वर्षीही ते आपल्या पत्नीच्या मृतदेहाच्या शोधात आहेत. ते म्हणतात मी आयुष्यभर हे करायला तयार आहे.

हेही वाचा -रात्री जीव घेतला, सकाळी अंत्यसंस्कार, पण एका चुकीने उलगडला गुन्हा, पत्नी थेट जेलमध्ये...