१५ लाख खर्चूनही काम आवडले नाही, पठ्ठ्याने अख्खं स्वयंपाकघरचं पेटवून दिलं...

नवी दिल्ली: ब्रिटनमधील एका व्यक्तीला त्याच्या स्वयंपाकघरातील नवीन फिटिंगचे काम आवडले नाही, त्यामुळे त्याने अख्खं स्वयंपाकघर पेटवून टाकलं. विशेष म्हणजे या स्वयंपाक घरासाठी त्याने १६ हजार पाऊंड म्हणजेच सुमारे १४ लाख ६८ हजार ९७१ रुपये खर्च केले होते.

ब्रिटीश वृत्तपत्र द मिररने दिलेल्या माहितीनुसार, ड्रायव्हर क्रिस डॉडने एका कंपनीला फिल्टर बसवण्याचे कंत्राट दिले. हे काम पूर्ण होण्यासाठी अंदाजे दोन आठवडे लागणार होते, मात्र त्याऐवजी काम पूर्ण होण्यास दोन महिने लागले आणि जेव्हा काम पूर्ण झाले तेव्हा स्वयंपाकघरात अनेक समस्या उद्भवू लागल्या.

हेही वाचा-ना आलिशान घर, ना महागड्या विजेच्या वस्तू, तरी एका दिवसाचं बिल आलं ३७ लाख, महिलेला जोरका झटका

स्वयंपाकघरातील तार निघालेल्या होत्या आणि ओव्हनचे कामही पूर्ण झालेले नव्हते. फिटरने कचऱ्याच्या पिशव्याही समोरच सोडल्या होत्या, अशी माहिती क्रिस यांनी दिली. मला हे संपूर्ण प्रकरण अतिशय तणावपूर्ण आणि त्रासदायक वाटले. माझी आई शेजारी राहते, या सर्व समस्यांमुळे मला तिच्या घरी स्वयंपाक करावा लागला. मी आठवडाभर बाहेर काम करतो पण विकेंड्सला घरीच असतो, असंही क्रिसने सांगितलं.

हेही वाचा-जुन्नरमध्ये शिंदे-ठाकरेंची दिलजमाई... सोशल मीडियावर चर्चांना उधाण

फेब्रुवारीमध्ये खरेदी केलेला माल

क्रिसने सांगितले की, त्याने या वर्षी फेब्रुवारीमध्ये विक्सकडून नवीन किचनवेअर खरेदी केले. जुलैमध्ये नवीन स्वयंपाकघर पूर्ण झाले, जे त्यांच्या दृष्टीने चांगले नव्हते. त्यांनी स्थानिक विक्स आउटलेटकडे अनेक तक्रारी केल्या. 'त्यांनी ओव्हन ठीक करण्यासाठी दुसरा फिटर पाठवण्याचे मान्य केले, परंतु त्यासाठी अतिरिक्त १ लाख २८ हजार ५५९ खर्च द्यावा लागला', असंही त्यांनी सांगितलं आहे.

हेही वाचा-२५ वारकऱ्यांना घेऊन आळंदीला जाणारी पिकअप उलटली, पुण्यात मोठा अपघात

कंपनीने खंत व्यक्त केली

Wix च्या प्रवक्त्याने सांगितले की, 'आम्ही नेहमीच उत्कृष्ट ग्राहक सेवा देण्याचा प्रयत्न करतो, क्रिससोबत झालेल्या समस्येबद्दल आणि गैरसोयीबद्दल ऐकून आम्ही दिलगीर आहोत. ग्राहकांसाठी वेळेत काम पूर्ण करण्यासाठी आम्ही सध्या इंस्टॉलरसोबत काम करत आहोत'.