अरे देवा! समजत होता बहीण; ती निघाली जन्मदाती आई

कॅलिफोर्निया: शॉर्ट व्हिडिओ प्लॅटफॉर्म टिकटॉकवर अनेकजण व्हिडिओ शेअर करतात. काहीजण आपले अनुभव, आयुष्यातील घटनाही प्रेक्षकांना सांगतात. अमेरिकेतील एक टिकटॉक युजर सध्या चर्चेत आहे. या युजरने आपल्या आयुष्यातील एक सत्य घटना सांगितली. ज्या स्त्रीला तो आपली मोठी बहीण समजत होता, ती स्त्री त्याची जन्मदाती आईच आहे.

हा अजब किस्सा सांगणारा न्यूयॉर्कमधील टिकटॉक युजरचे नाव शेम ग्रिफ्स आहे. त्याने त्याच्या अकाउंटवर एक व्हिडिओ पोस्ट केला आहे. या व्हिडिओत त्याने आपल्या आयुष्यातील सत्य प्रसंग सांगितले. त्याने म्हटले की, 'माझ्या मोठ्या बहिणीशी माझे खूप चांगले नाते आहे. चांगली ऋणानुबंध आहेत. इतर भाऊ-बहिणींप्रमाणेच आम्हीसुद्धा मस्ती करतो, भांडणेही करतो. मात्र, काही वर्षानंतर मला एक मोठी गोष्ट समजली.

वाचा: बापरे! या देशाने सुरू केली ६०० किमी प्रतितास वेगाने धावणारी ट्रेन

शेम ग्रिफ्सने म्हटले की, लहानपणापासून मी ज्या स्त्रीला मोठी बहीण समजत होतो. ती खऱ्या आयुष्यात माझी आई आहे. अतिशय कमी वयात ती गरोदर झाली होती आणि तिने मला जन्म दिला. ग्रिफ्सने व्हिडिओत म्हटले की, लहान वयातच गरोदर राहिल्यानंतरही माझ्या आईला गर्भपात करायचा नव्हता. माझ्या जन्मासंदर्भात सर्व प्रकारच्या प्रश्नांना तोंड देण्यासाठीही ती तयार होती.

वाचा: करोना संसर्गांनंतर शरीरात 'इतके' महिने अॅण्टीबॉडी!; संशोधनातील नवा निष्कर्ष

शेमने व्हिडिओत म्हटले की, माझ्या जन्मानंतर तिने माझ्यावर बहिणीच्या रुपात आईचे प्रेम दिले. माझ्या प्रत्येक गोष्टींकडे लक्ष दिले. आमच्या कुटुंबातील सर्वांचे माझ्यावर प्रेम आहे. आमच्या कुटुंबात आजीने म्हणजे आईच्या आईने मला मुलाचे प्रेम दिले. मी तिचा मुलगा नाही याचा मला थांगपताही लागू दिला नाही. मी वयात आल्यानंतर कदाचित मला सत्य परिस्थिती सांगावी असाही त्यांचा निर्णय झाला असावा, असेही शेमने म्हटले.