संयुक्त राष्ट्र: जैश-ए-मोहम्मदचा मोहरक्या मसूद अजहरला जागतिक दहशतवादी घोषित करून त्याला ब्लॅक लिस्टमध्ये टाकण्यासाठी अमेरिकेने बुधवारी संयुक्त राष्ट्र सुरक्षा परिषदेत एक प्रस्ताव दिला आहे. मसूदला जागतिक दहशतवादी घोषित करू नये म्हणून चीनने आधीच धडपड सुरू केलेली असताना अमेरिकेच्या या प्रस्तावामुळे अमेरिका-चीन आमनेसामने उभे ठाकण्याची चिन्हे आहेत.
अमेरिकेच्या या प्रस्तावाला फ्रान्स आणि ब्रिटननेही पाठिंबा दिला आहे. अमेरिकेच्या या प्रस्तावाच्या मसुद्यात भारतात पुलवामा येथे झालेल्या दहशतवादी हल्ल्याचा निषेध नोंदवण्यात आला आहे. तसेच प्रतिबंधित दहशतवादी संघटनांच्या यादीत अजहर आणि इस्लामिक स्टेटला टाकण्याची मागणीही या प्रस्तावात करण्यात आली आहे. यूएनमधून अजहरवर बंदी घालण्यात आल्यास त्याला जगभर कुठेही फिरता येणार नाही. शिवाय त्याची संपत्तीही जप्त करता येणार आहे.
अमेरिकेच्या या ड्रॉफ्ट रिझॉल्यूशनवर मतदान कधी होईल हे माहीत नाही, पण अमेरिकेच्या या कृतीमुळे चीन आणि अमेरिकेत बेबनाव होण्याची शक्यता आहे. कारण याच महिन्यात अजहरला काळ्या यादीत टाकण्याचा प्रस्ताव यूएन सँक्शन कमिटीपुढे आला होता. मात्र चीनने हा प्रस्ताव अडवून ठेवल्याने तो मंजूर होऊ शकला नव्हता. त्यामुळे अमेरिकेने थेट हा प्रस्ताव सुरक्षा परिषदेत आणला आहे. यापूर्वी अजहरला काळ्या यादीत टाकण्यासाठी चार वेळा प्रयत्न झाले होते. मात्र चीनने यापैकी तीन प्रयत्न हाणून पाडले होते.
अमेरिकेच्या या प्रस्तावाला फ्रान्स आणि ब्रिटननेही पाठिंबा दिला आहे. अमेरिकेच्या या प्रस्तावाच्या मसुद्यात भारतात पुलवामा येथे झालेल्या दहशतवादी हल्ल्याचा निषेध नोंदवण्यात आला आहे. तसेच प्रतिबंधित दहशतवादी संघटनांच्या यादीत अजहर आणि इस्लामिक स्टेटला टाकण्याची मागणीही या प्रस्तावात करण्यात आली आहे. यूएनमधून अजहरवर बंदी घालण्यात आल्यास त्याला जगभर कुठेही फिरता येणार नाही. शिवाय त्याची संपत्तीही जप्त करता येणार आहे.
अमेरिकेच्या या ड्रॉफ्ट रिझॉल्यूशनवर मतदान कधी होईल हे माहीत नाही, पण अमेरिकेच्या या कृतीमुळे चीन आणि अमेरिकेत बेबनाव होण्याची शक्यता आहे. कारण याच महिन्यात अजहरला काळ्या यादीत टाकण्याचा प्रस्ताव यूएन सँक्शन कमिटीपुढे आला होता. मात्र चीनने हा प्रस्ताव अडवून ठेवल्याने तो मंजूर होऊ शकला नव्हता. त्यामुळे अमेरिकेने थेट हा प्रस्ताव सुरक्षा परिषदेत आणला आहे. यापूर्वी अजहरला काळ्या यादीत टाकण्यासाठी चार वेळा प्रयत्न झाले होते. मात्र चीनने यापैकी तीन प्रयत्न हाणून पाडले होते.