लॉस एंजिलिस/लंडन: ब्रिटनमधील राजमहालाचा त्याग करू बाहेर पडलेले प्रिन्स हॅरी आणि मेगन मार्केल यांनी प्रथमच महालातील वेदनांची कहाणी सांगितली. राजमहालात नवीन सदस्य म्हणून सामावून घेतले जाताना झालेली घुसमट, वंशद्वेष, जन्माला येणाऱ्या बाळाच्या रंगावरून व्यक्त झालेली चिंता, मेगनच्या मनात आलेले आत्महत्येचे विचार अशा अनेक खळबळजनक मुद्द्यांवर त्यांनी मनमोकळे भाष्य केले. अमेरिकेतील सेलिब्रिटी ओपरा विन्फ्रे यांच्या चॅट शोला दिलेल्या मुलाखतीमध्ये दोन तास त्यांनी सविस्तर मते मांडली. राजमहालातील वंशद्वेषाची विषवल्ली, मेगन गर्भवती असताना तिच्या पोटी जन्माला येणाऱ्या बाळाचा रंग कोणता असेल, यावरून व्यक्त झालेल्या चिंता त्यांनी मांडल्या. या सगळ्यामुळेच मानसिक तणावात असलेल्या मेगन यांनी पहिल्यांदा वैद्यकीय मदत घेण्याचा प्रयत्न केला, तेव्हा त्यांना आलेल्या अडचणी, त्यांनी व्यक्त केलेले आत्महत्येचे विचार असे अनेक खुलासे यावेळी करण्यात आले. अमेरिकेतील पूर्वाश्रमीची अभिनेत्री मेगन ही दुसऱ्यांदा गर्भवती असून, त्यांना मुलीची आस आहे. राजमहालात असताना जन्माला आलेला आर्ची हा कसा प्रिन्स होऊ शकत नाही, त्याला सुरक्षा मिळू शकत नाही यावर झालेल्या निर्णयाची या दाम्पत्याने माहिती दिली. तसेच तो जन्माला येण्यापूर्वी तो कृष्णवर्णीयही होऊ शकतो, ही चिंता आणि चर्चचा विषय झाल्याचे मेगन यांनी सांगितले.
वाचा: जगातील सर्वात महागड्या औषधाला ब्रिटनची मंजुरी; 'एवढी' आहे किंमत!
मला हे सगळे हॅरीकडून कळले. मात्र, कुटुंबात अशा चर्चा सुरू होत्या. विचारांमधील हे कप्पे समजून घेणे खरोखर कठीण होते, असे मेगन यांनी सांगितले. आमचे बाळ राजपुत्र किंवा राजकन्या होऊ शकत नाही, असे सांगून त्यांना सुरक्षाही नाकारली गेली, असे त्या म्हणाल्या. मात्र, मुलाच्या वर्णावर नेमकी कोणी चर्चा आणि नाराजी व्यक्त केली, हे सांगणे त्यांनी टाळले. आम्ही त्यांचे नाव घेतले तर त्यांची प्रतिमा डागाळू शकते, असे त्या म्हणाल्या.
वाचा: जगातील सर्वात श्रीमंत व्यक्तीला घटस्फोट; शिक्षकासोबत बांधली लगीनगाठ
या दाम्पत्याने राजमहालाचा त्याग करण्याचा निर्णय घेतल्यापासून हॅरी यांचे वडील प्रिन्स चार्ल्स यांनी त्यांचे फोन घेणेही बंद केले. त्यांनी हे पाऊल टाकण्यापूर्वी त्यांची आजी, राणी एलिझाबेथ दुसरी यांच्याशी तीनदा, तर चार्ल्स यांच्याशी हॅरी यांचे दोनदा संभाषण झाले होते. ‘मला माझ्या कुटुंबासाठी हा निर्णय घ्यावा लागला. त्यामुळे याबद्दल कुणालाही आश्चर्य वाटण्याचे कारण नाही. मात्र, हे सगळे या थराला जाणे वेदनादायी आहे. माझे आणि पत्नी-मुलाचे मानसिक आरोग्य सांभाळण्यासाठी हा निर्णय अपरिहार्य होता, असे हॅरी यांनी सांगितले.
वाचा: आणखी एका युरोपीयन देशात बुरखा बंदी ! ; मुस्लिम संघटनांचा नाराजीचा सूर
माझ्या कुटुंबाने मला आर्थिकदृष्ट्या पूर्णत: बेदखल केले. मात्र, आई डायनामुळे मला कॅलिफोर्नियातील वास्तव्यच परवडू शकते, असे त्यांनी सांगितले. माझ्या आईने दिले, तेवढेच आज माझ्या हाती आहे. त्याशिवाय आम्ही काही करू शकलो नसतो, असेही त्यांनी सांगितले. ‘नेटफ्लिक्स’आणि ‘स्पॉटिफाय’शी झालेल्या करारातून पैसे मिळवण्यासाठीच हे आरोप करत असल्याच्या टीकेबद्दलही त्यांनी भाष्य केले. ‘आमचे आयुष्य सुंदर आहे. आमचे घर छान आहे. आमच्याकडे असलेली कुत्री आनंदी आहेत. त्यामुळे आता मला माझ्या कुटुंबाच्या सुरक्षेसाठी आवश्यक खर्च पेलण्यासाठी पैशांची गरज आहे. बाकी सारे छान आहे’, असे त्यांनी मांडले.
वाचा: जगातील सर्वात महागड्या औषधाला ब्रिटनची मंजुरी; 'एवढी' आहे किंमत!
मला हे सगळे हॅरीकडून कळले. मात्र, कुटुंबात अशा चर्चा सुरू होत्या. विचारांमधील हे कप्पे समजून घेणे खरोखर कठीण होते, असे मेगन यांनी सांगितले. आमचे बाळ राजपुत्र किंवा राजकन्या होऊ शकत नाही, असे सांगून त्यांना सुरक्षाही नाकारली गेली, असे त्या म्हणाल्या. मात्र, मुलाच्या वर्णावर नेमकी कोणी चर्चा आणि नाराजी व्यक्त केली, हे सांगणे त्यांनी टाळले. आम्ही त्यांचे नाव घेतले तर त्यांची प्रतिमा डागाळू शकते, असे त्या म्हणाल्या.
वाचा: जगातील सर्वात श्रीमंत व्यक्तीला घटस्फोट; शिक्षकासोबत बांधली लगीनगाठ
या दाम्पत्याने राजमहालाचा त्याग करण्याचा निर्णय घेतल्यापासून हॅरी यांचे वडील प्रिन्स चार्ल्स यांनी त्यांचे फोन घेणेही बंद केले. त्यांनी हे पाऊल टाकण्यापूर्वी त्यांची आजी, राणी एलिझाबेथ दुसरी यांच्याशी तीनदा, तर चार्ल्स यांच्याशी हॅरी यांचे दोनदा संभाषण झाले होते. ‘मला माझ्या कुटुंबासाठी हा निर्णय घ्यावा लागला. त्यामुळे याबद्दल कुणालाही आश्चर्य वाटण्याचे कारण नाही. मात्र, हे सगळे या थराला जाणे वेदनादायी आहे. माझे आणि पत्नी-मुलाचे मानसिक आरोग्य सांभाळण्यासाठी हा निर्णय अपरिहार्य होता, असे हॅरी यांनी सांगितले.
वाचा: आणखी एका युरोपीयन देशात बुरखा बंदी ! ; मुस्लिम संघटनांचा नाराजीचा सूर
माझ्या कुटुंबाने मला आर्थिकदृष्ट्या पूर्णत: बेदखल केले. मात्र, आई डायनामुळे मला कॅलिफोर्नियातील वास्तव्यच परवडू शकते, असे त्यांनी सांगितले. माझ्या आईने दिले, तेवढेच आज माझ्या हाती आहे. त्याशिवाय आम्ही काही करू शकलो नसतो, असेही त्यांनी सांगितले. ‘नेटफ्लिक्स’आणि ‘स्पॉटिफाय’शी झालेल्या करारातून पैसे मिळवण्यासाठीच हे आरोप करत असल्याच्या टीकेबद्दलही त्यांनी भाष्य केले. ‘आमचे आयुष्य सुंदर आहे. आमचे घर छान आहे. आमच्याकडे असलेली कुत्री आनंदी आहेत. त्यामुळे आता मला माझ्या कुटुंबाच्या सुरक्षेसाठी आवश्यक खर्च पेलण्यासाठी पैशांची गरज आहे. बाकी सारे छान आहे’, असे त्यांनी मांडले.