फ्रान्सची आयरीस बनली मिस युनिव्हर्स

मटा ऑनलाइन वृत्त। मनीला(फिलिपीन्स)

फिलिपीन्समध्ये झालेल्या एका दिमाखदार सोहळ्यात फ्रान्सची सुंदरी २३ वर्षीय आयरीस मिटेनेअरने २०१६ चा 'मिस युनिव्हर्स' चा विजयी मुकुट पटकावला आहे. या स्पर्धेत मिस हॅटी राक्वेल पेलिसीएरने दुसरे, तर मिस कोलंबिया अॅँड्रिया तोवारने तीसरे स्थान पटकावले.

या जगप्रसिद्ध स्पर्धेत एकूण ८६ देशांच्या सुंदरींनी भाग घेतला होता.

‘मिस युनिव्हर्स’च्या या ६५ व्या जागतिक स्पर्धेत आयरीस ही सुरूवातीपासूनच एक दमदार स्पर्धक गणली गेली होती. आयरीसने सर्वांनाच आपले सौंदर्य, आत्मविश्वास आणि समज अशा गुणांनी आकर्षित केले होते. विशेष म्हणजे आयरीस ही डेंटल विद्यार्थिनी आहे



या जागतिक स्पर्धेत भारताकडून ‘यामाहा फॅसिनो मिस दिवा २०१६’ हा किताब पटकावणारी रोश्मिता हरिमूर्ती भारताचे प्रतिनिधीत्व करत होती. मात्र ती शेवटच्या १३ स्पर्धकांमध्येही निवडून येऊ शकली नाही.