Monkeypox Virus: मंकीपॉक्स आजाराला आजपासून म्हणा..., WHO ने बदललं नाव; कारणही महत्त्वाचं

जेनेवा : करोनासारख्या जीवघेण्या संसर्गानंतर त्याचे अनेक व्हेरिएंट समोर आले. पण अशात गंभीर अशा मंकीपॉक्स या आजाराबद्दल वर्ल्ड हेल्थ ऑर्गनायझेशन (WHO) ने सोमवारी महत्त्वाचा निर्णय घेतला आहे. आता मंकीपॉक्स या आजाराचे नाव बदलण्यात आले आहे. संघटनेचे म्हणणे आहे की, जेव्हा या आजाराचा प्रादुर्भाव जगभर पसरू लागला तेव्हा वर्णद्वेषी, भेदभावपूर्ण आणि आक्षेपार्ह भाषा वापरली जात होती. याबाबत संस्थेला माहिती देण्यात आली आणि अनेक देशांनी नाव बदलण्याची सूचनाही केली, त्यानंतरच संस्थेने चिंता व्यक्त करत नाव बदलले आहे.

यामुळे मंकीपॉक्स या गंभीर आजाराचे नाव आता एमपॉक्स असणार आहे. जागतिक आरोग्य संघटनेने सांगितले की, दोन्ही नावे सुमारे एक वर्ष वापरली जातील आणि यानंतर मंकीपॉक्स (mpox)चा धोका टप्प्याटप्प्याने कमी होईल.

'जेव्हा ती एकटी...', मुंबई लोकलमधला रात्रीचा प्रवास व्हायरल, पोलिसाचा तो VIDEO पाहाच
मंकीपॉक्सला हे नाव देण्यात आले कारण डेन्मार्कमध्ये संशोधनासाठी ठेवलेल्या माकडांमध्ये हा विषाणू मूळतः १९५८ मध्ये ओळखला गेला होता. ब्रिटनमध्ये जेव्हा त्याचा प्रसार होऊ लागला तेव्हा अशी अनेक प्रकरणे समोर आली होती, ज्यात माकडांना विष देऊन मारण्यात आले होते. त्यामुळे जागतिक आरोग्य संघटनेच्या प्रवक्त्या मार्गारेट हॅरिस म्हणाल्या, 'मंकीपॉक्स प्राण्यांपासून माणसांमध्ये पसरू शकतो, परंतु यासाठी माकड जबाबदार नाहीत.

मांकीपॉक्सचे पहिले प्रकरण मे महिन्यात समोर आले होते आणि आता भारतासह जगभरात या आजाराने लोक ग्रस्त आहेत. तज्ज्ञांचा असाही विश्वास होता की, यामुळे मृत्यू होत नाही, परंतु या आजाराची लागण झालेल्या लोकांचा मृत्यूही होऊ लागला. जगभरात मंकीपॉक्सची ८०,००० हून अधिक प्रकरणं नोंदवली गेली आहेत आणि ५५ मृत्यूची नोंद करण्यात आली आहे.