दिल्ली, पंजाबात मान्सून दाखल

चंडीगड : नियोजित वेळापत्रकाच्या एक दिवस आधीच, गुरुवारी नैऋत्य मान्सून राजधानी दिल्लीसह पंजाब आणि हरयाणामध्ये दाखल झाला. त्यामुळे या राज्यांमध्ये अनेक ठिकाणी मुसळधार पाऊस पडला आणि तापमानाचा पाराही घसरला. उत्तराखंड आणि हिमाचल प्रदेशाच्या उर्वरित भागातही मान्सून पोहोचला आहे. येत्या दोन-तीन दिवसांत मान्सून संपूर्ण देश व्यापेल, असे हवामान खात्याकडून सांगण्यात आले.